Nigeria Presidential Election 2023: Bola Tinubu, Peter Obi, Atiku Abubakar, Rabiu Kwankwaso - presidential candidates wey dey hope to replace Buhari
Wia dis foto come from, Collage
Article Information
Author, Victor Ezeama
Role, Broadcast Journalist
Di Independent National Electoral Commission (Inec) don release di final list of presidential candidates of different political parties for di 2023 presidential election.
Inec release di list on Tuesday - both physically for dia notice board and online.
"Di published list contain di names of candidates validly nominated for national elections at di close of party primaries and di period for withdrawal and substitution of candidates," Festus Okoye, di commission official tok for statement.
Prominent on di list na di candidates of di Peoples Democratic Party (PDP), Atiku Abubakar; All Progressives Congress (APC), Bola Tinubu, Peter Obi of di Labour Party (LP), Social Democratic Party(SDP) Prince Adewole Adebayo and odas.
Okoye say "Di Commission approve di final list of candidates for national elections (Presidential, Senatorial, and Federal Constituencies) pursuant to section 32(1) of di Electoral Act 2022 and Timetable and Schedule of Activities for di 2023 General Election."
Di list get names, age, origin and qualification of di candidates - dem also list di names and details of dia vice presidential candidates.
Inec also publish list of candidates for national assembly elections across Nigeria.
Wetin we call dis foto, Asiwaju Bola Tinubu na former Lagos state govnor, South west Nigeria
Asiwaju Bola Tinubu na former Lagos state govnor, South west Nigeria.
Di two term govnor bin also serve as senator during di brief third republic for Nigeria.
Dis na im first time to contest di presidential election.
Na im party dey currently in office so dat one make dem di party to beat.
Im vice presidential candidate na former Borno statet govnor, Kashim Shettima.
Atiku Abubakar (PDP)
Wia dis foto come from, Facebook
Wetin we call dis foto, Atiku Abubakar na man wey don tey for politics
Atiku Abubakar na man wey don tey for politics. Im don attempt to be president several for different political parties.
2023 go be di sixth time wey Atiku go seek to become Nigeria president after first showing interest for 1993 even though e no get im party ticket at di time.
Atiku na former Nigeria Vice President and e beat Rivers state govnor Nyesom Wike to emerge candidate of di Peoples Democratic Party (PDP).
Di Adamawa state born businessman contest general elections for 2007, 2011 and 2019 elections.
Im vice presidential candidate na Delta state govnor Ifeanyi Okowa.
Rabiu Musa Kwankwaso (NNPP)
Wia dis foto come from, Facebook
Wetin we call dis foto, Rabiu Kwankwaso na di former govor of Kano state, North west Nigeria
Rabiu Kwankwaso na di former govor of Kano state, North west Nigeria wia e introduce free education for local residents
Di two term govnor also serve as senator afta e leave office between 2015-2019.
Im bin serve as minister of defence under Olusegun Obasanjo presidency and vow to tackle di kontri various security crises by recruiting extra 750,000 sojas to take di size of di army to one million.
Di 66 year old dey popular for im red cap - 2023 go be di third time wey Kwankwaso go dey seek Nigeria highest office but di oda two attempts end for primaries.
Im vice presidential candidate na Odiri Idahosa.
Peter Obi (LP)
Wia dis foto come from, Facebook
Wetin we call dis foto, Peter Obi na former govnor of Anambra state for southeastern Nigeria
Peter Obi na former govnor of Anambra state for southeastern Nigeria wia im get strong record. E also get active support base for social media.
Im become flagbearer wen Labour Party hold dia convention for Asaba Delta state last month. Di 61 year old dey portray im sef as 'Mr Clean' - some tin wey many Nigerian politicians no fit boast about.
Former aspirant himself Professor Pat Utomi step down for Obi wia e also tok say Obi deserve to get chance to govern Nigeria.
Dis na di second time wey di two term govnor go dey ontop presidential ticket since - for 2019 e serve as running mate to Atiku Abubakar of di PDP for 2019 elections, na dia party come second.
Im vice na Yusuf Baba-Ahmed, a former Senator from Kaduna state.
Nigeria election 2023: Wetin di parties dey promise you?
Policies by party
All Progressives Congress
Top priorities
To boost Nigeria export and reduce overreliance on imports.
Cut youth unemployment rate by half within four years and create one million jobs in ICT for two years.
Take steps to ensure financial and administrative independence of di judiciary.
Economy
Support di manufacturing sector through tax incentives for domestic manufacturers.
Control di price of basic goods to manage inflation.
Remove regulation on gas prices within six months and increase gas production by 20 percent.
Employment
Create one million new jobs for ICT sector within di first 24 months in office.
Cut youth unemployment rate by half within four years.
Support two million volunteer enterpreneurs and professionals to mentor youth to find jobs and start businesses.
Health
Implement mandatory health insurance scheme to cover at least 40 percent of di population within two years.
Increase di number and enhance di skills of healthcare workers, particularly those wey dey work for primary health facilities.
Work wit state and local government to build mobile clinics to ensure everyone live within 3km or 30 minutes walk from primary health facility.
Encourage domestic manufacturing of essential medicines and vaccines in Nigeria.
Security
Improve salaries and welfare of security personnel and create special individual and family allowances for military pipo wey injure and fallen heroes.
Upgrade weapon, communications and transportation systems of military units.
Recruit, train and better equip additional military, police, paramilitary and intelligence personnel.
End attacks on key national infrastructure.
Education
Develop new accreditation standards for all learninng institutions, from primary to tertiary level.
Introduce pilot student loan regime.
Establish special education fund wey go include zero coupon federal bonds.
Corruption
To put cap on fiscal spending on construction of govment building and salaries of leaders wey dey elected and public servants.
Generate more revenue by reducing leakage in di financial system.
Reward hard work and weed out ghost workers, ghost projects.
Reform di civil service to reduce bureaucracy and decrease inefficiency and waste.
Labour Party
Top priorities
Undertake legal and institutional reforms to strengthen di rule of law, aggressively fight corruption and reduce cost of governance.
Move Nigeria economy from consumption to production.
Prioritise Human Capital Development through serious investments in STEM education, health, and infrastructural development.
Economy
Run economy wey go dey centered on production and dey driven by agricultural revolution and export-oriented industrialization.
Reduce inflation to single-digit level, ensure di independence of di central bank and tax regime.
Reduce Nigeria dependence on oil exports by expanding di industrial sector.
Remove import and forex restrictions and create single forex market.
Employment
Improve access to finance for medium and small enterprises, youths and women, to significantly reduce unemployment.
Invest in human capital development.
Improve ease of doing business to attract Foreign Direct Investment to jumpstart industrialisation.
Create enabling environment for startups to do well.
Health
Improve the pay and conditions of service for healthworkers.
Provide health insurance to 133 million poorest Nigerians including pregnant women, children, pipo wey don old and those wey dey disabled.
Build di capacity of different cadre of healthworkers.
Provide access to affordable and quality healthcare.
Security
End banditry and insurgency.
Activate cooperation to secure borders wit neighboring kontris for West and Central Africa, particularly Niger, Chad, and Cameroon.
Liaise wit di National Assembly to establish community policing.
Increase di personnel of armed forces, police and other security agencies and equip, train, and fund dem to respond well to security threats.
Education
Invest in technical and vocational training, sports, entrepreneurship, coding and digital skills from primary to secondary school.
“No Child left Behind” educational policy.
Allow private corporations pay their taxes in form of taking management of a school while di govment kontinu to retain ownership, set di national curriculum and manage other oversight functions.
Allocate 14 per cent of budgetary funds to education.
Corruption
Abide by di fiscal responsibility laws.
Subject all arms of government to routine audit.
Block financial leakages ending the fuel subsidy regime.
Be transparent and accountable in govment business.
New Nigeria Peoples Party
Top priorities
Create jobs through investment in agriculture.
Address insecurity.
Respect di rule of law and follow due process.
Economy
Fight corruption in ministries, departments and agencies to increase revenue generation.
Reform di Nigerian capital market to make it competitive and efficient as a source of long term finance for businesses
Pursue reliable, credible and transparent management of di exchange rate.
Employment
Reduce unemployment rate to single digit.
Encourage di youths consider careers in agriculture.
Encourage di private sector to establish food processing industries to create jobs for youths.
Health
Reform di National Health Insurance Scheme.
Minimise health tourism through health facility upgrade, services improvement, health workers training and technology transfer and acquisition.
Increase budgetary allocation to di health sector.
Security
Boost resources and intelligence to tackle insecurity.
Improve national unity and reconciliation.
Be more transparent wit di public.
Education
Provide adequate funding to di education sector.
Upgrade all existing tertiary institutions before creating new ones.
Support state and local govments to build accommodation for di over 20 million out-of-school children wey currently dey live on di streets.
Corruption
Reform and strengthen anti-corruption institutions.
Run transparent and open govment.
Use technology to prevent corruption.
Peoples Democratic Party
Top priorities
Give di private sector greater role in di economy.
Promote national unity through diverse govment appointments wey go take into consideration regional balance.
Restructure Nigeria governance system.
Economy
Ensure Nigeria remain di largest economy for Africa wit doubled GDP per capita to US$5,000 by 2030.
Increase investment to double infrastructure stock to about 50 per cent of GDP by 2027 and 70 per cent by 2030.
Increase crude refining capacity to two million barrels per day by 2027.
Employment
Create three million new jobs and lift 10 million pipo out of poverty yearly.
Launch a more efficient, cost-effective and sustainable national Entrepreneurship Development and Job Creation Programme.
Create incubation centres, clusters and industrial/commercial hubs wey go provide market place for MSMEs and SMPs.
Health
Accelerate Nigeria transition towards achieving universal access to affordable and quality healthcare services by 2030.
Give Nigerian doctors in diaspora incentives to return to Nigeria.
Encourage medium and large scale pharmaceutical industries wey go increase local production of essential drugs.
Security
Boost registration at birth as a way to reduce crime and protect Nigerians.
Recruit up to a million personnel into di police force to meet UN police to citizen ratio of 1:450.
Improve civil-military relations.
Restructure and decentralise security institutions.
Education
Pomote science and technical education to create skills for di new economy.
Set up agency wey go regulate private tertiary education.
Increase investments in social infrastructure by di federal and state govments.
Corruption
Review di reward system for public and civil services.
Digitise govment systems to ehnance detection of corruption.
Ensure say judgments on corruption cases dey enforced by di appropriate law enforcement agencies.
End of Nigeria election 2023: Wetin di parties dey promise you?
Prince Malik Ado-Ibrahim (YPP)
Wia dis foto come from, Facebook
Wetin we call dis foto, Prince Malik na Prince from Kogi state, North central Nigeria
Prince Malik na Prince from Kogi state, North central Nigeria. Im na di son of Ohinoyi of Ebiraland and na billionaire wey get energy company Bicernegy.
Prince Malik na also di founder of Formula One team Arrows A20. For 2020 tori of im marriage to billionaire daughter Adama Indimi grab serious attention at di time.
Im dey represent Young Progressive Party (YPP) and im vice presidential candidate na Enyinna Kasarachi.
Ado-Ibrahim promise to;
Harness di huge resorces and talents for Nigeria human capital wealth
Provide sufficient funds to supply varous types of weapons for defence, deterrence and retaliation
Diversify di national economy by promoting solid minerals development
Promote national consciousness and Nigerian cultures.
Omoyele Sowore (AAC)
Wia dis foto come from, Facebook
Wetin we call dis foto, Omoyele Sowore na founder and publisher of US-based media, Sahara Reporters.
Omoyele Sowore na founder and publisher of US-based media, Sahara Reporters. Dis go be di second time wey Sowore go run for presidential election afta also running in 2019.
Di publisher/activist bin chop arrest few years ago unto 'Revolution Now' protest wey e bin wan organise across Nigeria. Im vice presidential candidate na Magashi Garba.
E say im go;
Build strong and productive economy wey go work for all
Set up inter-agency "special and violent crimes task force" to respond to kidnappings and oda security emergencies as e dey happun.
Transform di kontri into a truly and open democratic nation
Show commitment to di struggle for di total liberation of di Nigerian pipo.
Kola Abiola ( PRP)
Wia dis foto come from, PrP
Wetin we call dis foto, Kola na di eldest son of late business tycoon and politician, late Moshood Abiola
Oga Kola na di eldest son of late business tycoon and politician, late Moshood Abiola.
Kola just like im father dey into business and e defeat former MD of Bank of di North Falalu Bello to grab di presidential ticket of PRP.
Dis no be di first time wey Kola go dabble into politics as e don happun before.
Di 59 year old go dey hope say e fit win dis time around.
Im vice presidential candidate na Zego Haruna.
Hamza Al- Mustapha (AA)
Wia dis foto come from, Other
Wetin we call dis foto, Hamza Al- Mustapha na former chief security officer to late head of state General Sani Abacha
Hamza Al- Mustapha na former chief security officer to late head of state General Sani Abacha.
Al-Mustapha wey serve over 10 years for jail afta di death of Abacha defeat im only opponent Samson Odupitan to emerge candidate of AA.
Di retired Major from Yobe state don contest for Nigeria presidency before but go dey hope say dis time around go beta pass last time.
Im vice presidential candidate na Johnson Chukwuka.
e promise to;
Stabilise di economy and promote agriculture
Re-enforce di National Security Council to handle all matter of national security.
Give priority to di security and welfare of di pipo
Tackle corruption by holding corrupt official accountable.
Professor Christopher Imumulen (AP)
Wia dis foto come from, Accord
Wetin we call dis foto, Professor Christopher Imumulen na di youngest presidential aspirant
Christopher Imumulen na professor of Engineering.
Im na 39 years old - di youngest presidential candidate for di election.
Im begin im career as a gas plant engineer for BOC Gases Nigeria Limited for 2005.
Professor Christopher according to im profile get two Phd degrees for Engineering research and Educational Management.
Im vice presidential candidate na Bello Maru.
Dumebi Kachikwu (ADC)
Wia dis foto come from, Facebook
Wetin we call dis foto, Dumebi Kachikwu na di founder of Roots Television
Dumebi Kachikwu na di founder of Roots Television.
Im defeat favourite for di ticket Kingsley Moghalu, a former Central bank oga to emerge.
Im vice presidential candidate na Buhari Ahmed.
Peter Umeadi (APGA)
Wia dis foto come from, Facebook
Peter Umeadi na retired Judge and a professor of Law.
Im na former chief judge of Anambra state for eight years.
Na only oga Peter show interest and all oda party members agree to allow am contest for Nigeria presidency for 2023.
Im vice presidential candidate na Mohammed Koli.
E promise to;
Employ evri means - diplomatic, political, economic, social and cultural - to advance di image of di Federal Republic of Nigeria as di spiritual home of di black pipo of di world.
To raise di quality of life of di common pipo and ensure say all Nigerians get access to di prosperity of di century.
Ensure say di Armed forces get professional training, disciplined and equipped wit evri modern engine of war.
Immediately upgrade di salaries, barracks, uniforms and personal welfare of both di rmed forces and di police.
Okwudili Anyajike (NRM)
Wia dis foto come from, Facebook
Oga Okudili na im emerge winner from di primaries wey National Rescue Movement do for Abuja.
Di businessman poll 180 votes to defeat im closest rival Professor Benedicta Egbo wey get 30 votes.
Im vice presidential candidate na Kyabo Muhammad.
Sani Yusuf (ADP)
Wia dis foto come from, ADP
Wetin we call dis foto, Sani Yusuf na pollitician from Kano state
Im na politician and businessman from Kano state, North west Nigeria.
Yusuf don tey for politics and im say im plan na to end 'systemic corruption' for Nigeria. Im vice presidential candidate na Udo Okoro
Im promises include;
To spend up to 15% of di annual budget on di education sector while making susbstantial investments in training quality teachers at all levels of di educational system.
Diversify di economy through innovation, industrialization and technological development in agriculture
Proactively support transparency and accountability by goment insitutions and officials.
Ojei Chichi (APM)
Wia dis foto come from, APM
Wetin we call dis foto, Princess Chichi na di only female presidential candidate for di 2023 presidential election
Princess Chichi na di only female presidential candidate for di 2023 presidential election.
She na administrator and politician from Delta state, South south Nigeria.
Her vice presidential candidate na Ibrahim Mohammed.
Princess Chichi Ojei na di daughter of billionaire and entrepreneur, Emmanuel Isichei Ugochukwu Ojei.
She be di Corporate Financial Specialist for Nuel Ojei Holdings, one company wey her father establish wey get interest for major sectors of Nigeria economy like automobile, telecommunications, banking, oil and gas and many others.
Di 44-year-old Delta State indigene bin emerge as di presidential candidate of di Allied Peoples' Movement (APM) afta di party endorsement.
Her campaign office describe her as a "visionary leader and politician, ogbonge administrator and pesin wey sabi business well-well."
According to her LinkedIn account, she receive education from ogbonge institutions across di world.
She bin attend American International School for Lagos. Institute Leroy for her secondary school education. She attend Northeastern University for her Bachelor Degree for Business Administration and Regent Business School for her Master's Degree in Business Administration.
Nnadi Osita (APP)
Im vice presidential candidate na Hamisu Isah.
Adenuga Oluwafemi (BP)
Wia dis foto come from, Femi Adenuga/Facebook
Sunday Oluwafemi Adenuga na one of di 18 candidates wey dey contest for di 2023 presidential elections. Im vice presidential candidate na Mustapha Turaki.
Dem born di 58-year-old politician for Lagos state and e don serve for various ministries of goment. For 2019, dem promote am to di post of Director of Audit for di Office of di Auditor-General of di Federation.
Oga Adenuga tell tori pipo say if dem elect am as di president of Nigeria, im go pursue one working Nigeria. E also say;
Revive di economy to work for evri bodyby investing massively in infrastructural development.
Prioritize di use of 'made in Nigeria products
Increase security for di north-east region and concentrate investment in solar energy for some part of di kontri.
Declare state of emergency on health
Adebayo Adewole (SDP)
Wia dis foto come from, Bayo Adewole
Wetin we call dis foto, Adebayo Adewole na Lawyer
Adebayo Adewole na Lawyer, politician and business man from Ondo state, South west Nigeria.
Na im be di presidential candidate of di Social Democratic Party (SDP) - im running mate na Buhari Yusuf.
Im na di founder of Kaftan TV. and im promise a restructured, equitable and functional Nigerian economy.
A dynamic, productive, transformed and sustainable economy
A just, fair, egalitarian and peaceful nation.
A conscious effprt to open di politcal space for greater inclusion of youth and women in governance.
Daniel Nwanyanwu (ZLP)
Wia dis foto come from, Dan Nwanyanwu/Facebook
Daniel Nwanyanwu na di National chairman of Zenith Labour Party.
Nwanyanwu emerge Presidential candidate for di special convention of di party for Abuja.
Im na politician and banker from Imo state, Southeast Nigeria.
Im vice presidential candidate na Abubakar Ramalan.
