Ini Dima-Okojie: Nigerian actress first knocking, traditional marriage to Abasi Ene-Obong pictures

Nigerian actress, Ini Dima Okojie Ruth Abioye do her traditional marriage - first knocking ceremony wit her bobo, Abasi Ene-Obong.

Di first knocking na part of process of di traditional marriage ceremony for some cultures for Nigeria.

Ini Dima come from di southerne part of Nigeria.

Di 'Namaste Wahala' actress share fotos for her Instagram page on Saturday say:

"Abasi, my love!!. Today, our families accept to become one.

I dey so excited to go on dis journey with you… dis' na to forever!."

Her husband, Abasi Eneoboing also share comment for Ini Instagram page say "Let's do dis baby!! Thanks for accepting me. I love you."

See some of di fotos wey di actress share.

Many of her colleagues enta social media to congratulate her.

Kate Henshaw say "So sweet to see Ini-Abasi.... God's time"

Kehinde Bankole also drop her congratulations message for her comment section.

"Dis is so beautiful", na so her fellow actress, Omowumi dada tok.

Wetin we know about Ini Dima Okojie husband

Abasi Ene-Obong na Medical Doctor and Entrepreneur

Im dey refer to imsef as a world changer.

Abasi Ene-Obong na di founder and Chief Executive Officer of 54gene, one genomics research, services and development company

Im get PhD for Cancer Biology from University of London, Masters in human molecular genetics from Imperial College London and Masters in Business Management from Claremont Colleges, California.

Im dey also work as a cancer researcher.

Dr Ene-Obong dey listed as 1 of 30 most innovative entrepreneurs on di African continent for 2019 by Quartz Africa.