Zamfara secondary school girls Jangebe kidnapping: Gunmen abduct 317 students from Government Secondary School

26 February 2021

Read am in 2 mins

Zamfara state police command don confirm di abduction of 317 students wey gunmen kidnap from dia boarding secondary school early morning today for di town of Jangebe, for Zamfara state, north west, Nigeria.

For inside statement, di police say dem and di military don begin joint search to rescue di students wey di gunmen kidnap at about 0100 hours.

Dis tori dey come afta gunmen kidnap boys from Kangara school for Niger state on February 17, 2021.

Gunmen arrive Jangebe at about 0100hours come kidnap di 317 students — Wetin we call dis foto, Di gunmen arrive Jangebe at about 0100hours come kidnap di 317 students

How di attack happun?

According to tori, na around 1:00am in di night di gunmen attack di school.

Zamfara state Commissioner of security and home affairs Abubakar Dauran tell di News Agency of Nigeria (NAN) say di gunmen go fit reach like 100.

Kabiru Sani wey be vice president of voice of di masses group for Zamfara state tell BBC say dem kidnap three of im nieces and im and oda pipo don enter bush to go find dia children.

Anoda man tell BBC say dem kidnap im daughter and two of im nieces and e yan say di gunmen numbering hundreds enter di school after midnight, dem first handle di gatemen first before dem pack di students go.

Load of students wey dem leave for di school — Wetin we call dis foto, Parents don come to carry dia children wey survive go house

'54 students left behind'

According to reports from di school, di gunmen leave 54 students behind.

Skip Di one wey oda users dey read well well and continue reading

Di one wey oda users dey read well well

End of Di one wey oda users dey read well well

Parents and guardians of di students wey escape di attack don come pick dem from di school.

Meanwhile reactions don dey pour in afta dis latest incident.

Di United Nations International Children Emergency Fund, (UNICEF) say "di targeted attack on students, teachers academics and education personnel dey unacceptable."

Skip X post

Allow X content?

Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

Warning: Third party content may contain adverts

End of X post