PlayStation 5 price: Nigerians search for wia to buy Sony latest game

Game lovers across di world don dey find wia to pre-order di latest Play Station 5 afta Sony release am on 12 November.

Sony announce say di video game console go cost $499.99 but di digital model, without disc drive, go also dey available wit starting price of $399.99.

Online stores like Target and Best Buy already don place pages wia pesin fit sign up for notifications once di consoles and gear dey available for pre-order.

Walmart no even wait for di preorder date of 17 September. Dem Tweet yesterday say make pipo start to dey 'pre-order now.'

Sony bin don first sama warning say e fit dey challenging to pre-purchase PS5 sake of high demand and low supply.

Wia to pre-order di new Playstation 5:

Walmart

GameStop

Amazon

Skip Di one wey oda users dey read well well and continue reading
Di one wey oda users dey read well well

End of Di one wey oda users dey read well well

Target

Dis price don put Sony up against Microsoft next-gen consoles wit Xbox Series S wey start at $299 and Xbox Series X for $499 on 10 November.

During one livestream showcase wey Sony do for 16 September, dem play different trailers of new games wey dey come to di PS5 wey include:

  • God of War
  • Ragnarok
  • Final Fantasy 16
  • Hogwarts Legacy
  • Call of Duty Black Ops
  • Cold War and PS5 exclusive Marvel Spider-Man: Miles Morales.