Ajimobi burial: Senator Abiola Ajimob, Oyo ex-Govnor die for coronavirus complications - See wetin we sabi about im death & burial
Wia dis foto come from, Abiola Ajimobi
- Author, Olubunmi Okunnu
- Role, Broadcast Journalist
- Read am in 4 mins
Abiola Ajimobi, di former govnor of Oyo State south-west Nigeria die from multiple organs failure following complications from COVID19 infection and BBC Pidgin find out say im burial go now take place for on Sunday.
Na exactly 10:05am on Sunday na im Senator Abiola Ajimobi deadi bodi enta grave, in di presence of im family for im house garden wey dey Oluyole for Ibadan, capital of Oyo State, South West Nigeria
Only di family members of di former govnor and staff of Nigeria Centre for Disease Control dey di venue of di burial, according to wetin BBC Pidgin sabi.
Wia dis foto come from, OTHER
Di family bin say dem go bury Ajimobi wey die at di age of 70 on Friday for Ibadan, di Oyo State Capital, but Bolaji Tunji wey be di PA to di late Senator Abiola Ajimobi tok say dem pospone am sake consultation wit Lagos and Oyo State goments.
"Di burial e go dey observed privately so dat e go dey in line wit di Nigerian Centre for Disease Control (NCDC) guidelines." Tunji add on Friday.
"If notin change last minute, dem go bury am for Senator Ishaq Abiola Ajimobi Central Mosque inside Oke Ado, Ibadan at 12 O'clock for afternoon on Sunday, 28th of June, afta di traditional Muslim prayers." Oga Tunji tok for statement on Friday.
Na one close aide of di Senator and anoda family member first confam Ajimobi death to BBC on Thursday evening of 25 June.
Senator Abiola Ajimobi die for First Cardiologist Consultant; one private hospital inside Lagos, wey goment give approval to operate as Coronavirus COVID19 care facility, according to Professor Akin Abayomi, di Lagos State Commissioner for Heath.
End of Di one wey oda users dey read well well
Oda of im close friends don begin post sorry messages of im death. Nigeria President Muhammadu Buhari mourn di death of Ajimobi for statement from im office.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
Otunba Adebayo Christopher Alao-Akala, di former Oyo govnor wey Abiola Abiola Ajimobi succeed tell BBC im dey in shock over di death of di man wey take over from him.
Wia dis foto come from, Other
Oga Ajimobi dead mata land afta di former govnor spend weeks in coma inside intensive care for coronavirus complications, according to wetin Akin Alabi wey be federal lawmaker and political associate of di late senator tok.
Content is not available
View content on FacebookDe external site no concern BBC.End of Facebook post
Senator Abiola Ajimobi burial inside fotos
Wia dis foto come from, Other
According to report and sources of BBC Pidgin wey dey di venue, na only di family enter di burial place sake of di guideline of di Nigeria Centre for Disease Control wey say na only 25 pipo fit dey burial.
Wia dis foto come from, Other
BBC Pidgin no fit confam independently if na only 25 pipo dey inside di burial place.
Wia dis foto come from, Other
Wia dis foto come from, Other
Senior leaders wey dey di burial be Chairman of all Muslim groups in Oyo, Alhaji Kunle Saani, Sheikh Muiydeen Bello, Ibadan Community Leaders, Sheikh Abubakar Abdul Ganiyu Partner and others.
12 O'clock dem go do prayer for di late govnor for Senator Ishaq Abiola Ajimobi Central Mosque in Oke-Ado.
Wia dis foto come from, TTwitter/@AAAjimobi
Who be Abiola Ajimobi?
Dem born am as Isiaka Abiola Ajimobi on 16 December, 1949.
Na for im state of origin Oyo, im do im primary and secondary education.
Ajimobi travel go America for im university education wia im study Business Administration and Finance for State University of New York and later do MBA for State University, Illinois.
E marry Florence 1980 and dem get five children.
Im political career begin for 2003 when im bin serve as Deputy Minority leader for Senate. By 2007 im contest to be govnor of Oyo State but e no win am.
For 2011, e become govnor for di first time, and later e break record for Oyo to be di first pesin to do two democratic terms back-to-back for di state.
Wia dis foto come from, Abiola Ajimobi
Around 18 June, rumours bin dey fly upandan say di lawmaker and former govnor don die, only for im daughter Fatima Ganduje-Ajimobi to comot for social media to deny am.
Inside interview with BBC Yoruba on Tuesday, 16, June , 2020, im tok-tok pesin Bolaji Tunji tok say 'Ajimobi say im go settle all di wahala wey dey di political party during dia National Executive Council (NEC) meeting'.
Oga Tunji also bin deny all di rumours wey dey fly around say senator Ajimobi dey coma and dey receive treatment for hospital.
