Ministerial List: Buhari don give ministers positions

Nigeria President Muhammadu Buhari don announce di portfolio of di 43 new ministers wey im swear in on Wednesday for Abuja.

Former govnor of Akwa Ibom state Godswill Akpabio na Niger Delta minister, Timipre Sylva of Bayelsa na di minster of state for petroleum while Chris Ngige retain im position as minister of state for Labour and Employment.

Di Secretary to di goment of di Federation (SGF), Boss Mustapha, bin announce say di swearing-in ceremony go take place for di Federal Executive Council Chamber for di Presidential Villa for Abuja.

Di new ministers go follow President Buhari and im vice Yemi Osinbajo carry Nigeria go di next level dia campaign slogan during di election.