Why authorities arrest youths wey give dia leader live chicken

Black cockerel

Wia dis foto come from, Bodlina

    • Author, Alhassan Sillah
    • Role, BBC Africa, Conakry

Guinea Authorities don release three youths wey dem arrest because dem wan give di prime minister live chicken.

Di mata start ova di weekend wen Prime Minister Kassory Fofana bin go eastern town of Kankan.

Di area get plenti pipo wey dey support oga Fofana ruling party, di Rally of the Guinean People (RPG).

Black cockerel

Wia dis foto come from, Legendofgao

Wetin we call dis foto, Like black cat, some pipo dey believe say black cockerel no be good tin

Di three young pipo bin wan give di PM live cockerel as e dey tok to supporters, na so im bodygaurds gbab dem.

Wetin we call dis Video, Watch as di rainmaker voke rain to fall

Black cockerel na bad luck for many local culture for Guinea so e no surprise say authorities look dis kain gift wit corner eye.

Tori be say dem free dem wit no charge.