Benue attack: Dem don recover police dead bodi
Wia dis foto come from, Quentin Leboucher/AFP/Getty Images
Dem don recover di deadbodi of one of di two policemen wey bin dey miss for Benue State since Saturday.
Local media dey report say police find di dead bodi for serious bad shape.
Four police officer dem been miss after suspected herdsmen attack dem for Ayilamo for Logo local government area of di state, two bin done come back.
Police don talk say dem dey on top di matter to ensure security of live and property for di state.
