You’re viewing a text-only version of this website that uses less data. View the main version of the website including all images and videos.
Nigeria don do herbal medicine for Ebola and Malaria
Di Director-General of di National Institute for Pharmaceutical Research and Development for Nigeria, Prof. Karniyus Gamaniel announce say dem don finally do six herbal medicine wey fit treat Ebola and some other sickness.
One of di medicine wey im present, as im dey talk for Abuja, Nigeria's capital city on Friday, na NIPRIBOL wey di institute make for di treatment of Ebola Virus Disease.
Gamaniel say dem don complete di first phase study of di medicine.
Di one wey fit treat malaria na NIPRIMAL wey im talk say even dey okay for women wey get belle.
Hope dey for people wey get infection for dia skin as di institute don also do medicine wey dem call NIPRIFAN wey fit treat dat kain skin wahala.
End of Di one wey oda users dey read well well
Government bin launch di institute for 1987 make dem for dey do medicine with local herbs wey fit develop di country.
