Nigeria: Army go chook eye for cadet wey dey give dia uniform to Fulani herdsmen
Wia dis foto come from, PIUS UTOMI EKPEI/AFP/Getty
E don tey we people dey wonder, where Fulani herdsmen dey take get military uniform wey dem dey use attack people sometimes.
Di fear be say e fit be from some cadet wey dey for Nigeria Defence Academy. Dat na why di Academy say dem dey chook eye for di mata.
Recently some Nigerian people complain on top twitter say dem don see some cadet dodge enter town for Kaduna, North West Nigeria.
Dem notice say di cadets dey leave dia uniform and other property for di hand of Fulani herdsmen for many-many days.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
Academy PRO Major Musa Yahaya, tell BBC Pidgin say, di tori dey "dey strange to di academy." He say dat na why dem wan chook eye inside mata.
Dia worry be say, di Fulani people fit use di uniform go do wetin dem no suppose do.
Military training for cadet na serious business and di training suppose dey strict.
