Juventus: Cristiano 'Ororo' Ronaldo don finally score first Serie A goals

Cristiano Ronaldo don score im first two goals for Juventus to helep di Italian champions do back-to-back wins.

Di Portuguese striker bin struggle to score for dia first three matches before dis 2-1 win against Sassuolo

E first do one correct tap-in for im first goal before e finish Juve counter-attack to nack di ball enta net.

Khouma Babacar score for Sassuolo for extra time and Douglas Costa chop red card for di match.