Ghana, Germany relations: Akufo-Addo Ghana plus Angela Merkel German ties explained
Wia dis foto come from, Jubilee House
Ghana plus Germany relations be of utmost importance, President Nana Akufo-Addo declare dis week.
But wen plus how de west African gold coast and de Western European industrial nation start dis relation?
President Akufo-Addo say Ghana dey draw inspiration from de success tori of North Rhine-Westphalia and Germany.
North Rhine-Westphalia be Germany's most populous and industrial region.
Wia dis foto come from, Jubilee House
"We desire to walk hand-in-hand with North Rhine-Westphalia and Germany sake of "we share attachment of common values.
"And respect for individual liberties and human rights, respect for rule of law and respect for human principles of democratic accountability".
President Akufo wey country dey against gay and LGBT+ pio tok for speech for dema 75th anniversary celebrations.
He continue tok say "we want to build progressive and prosperous nation".
End of Di one wey oda users dey read well well
But for de same occasion, Ghanaians in Germany shouted at Akufo Addo to fix de country so demma fit return home.
According to Akufo Addo, Ghana be determined say dem go participate fully for de global market place for de basis of things de country dey produce and not for raw materials export.
De president tok all dis sweet things wen e meet German Chancellor, Dr. Angela Merkel dis week for Dusseldorf wey dey Federal Republic of Germany.
Wia dis foto come from, Di Presidency Republic of Ghana
Ghana, Germany relations: Background
Ghana plus Germany diplomatic relations dey more than 60years.
Since Ghana independence, de two countries bilateral development cooperation dey exceed 1.5 billion euro.
Ghana plus Germany dey collaborate on a number of diversified interests like youth development, entrepreneurship and on de environment.
So far, Germany be one of de main vehicle suppliers to Ghana.
Wia dis foto come from, Jubilee House
Ghana, Germany relations: Investment
De president tok say de establishment of big companies like Volkswagen car assembly in Accra be welcoming news wey more companies dey ready say dem go come Ghana come set-up.
Akufo Addo further tok say na im priority be say dem go increase trade and investment cooperation cos dat be one of de way dem go develop healthy economic relations with North Rhine-Westphalia and Germany and de rest of de world.
If Ghanaian products be high for global value chain, na im go create jobs give de teeming youth.
Wia dis foto come from, Jubilee House
North Rhine-Westphalia @ 75
President Nana Addo extend wishes on behalf of de Economic Community of West Africa States (ECOWAS) wey im be chairman, to de people of North Rhine-Westphalia.
