Democracy Day: "E go sweet my papa if life beta for poor pipo" - Hafsat Abiola
Wia dis foto come from, ADE OBISESAN/Getty
For di first time, Nigeria dey celebrate June 12 as im Democracy Day afta di kontri president move di date from May 29 for 2018.
Presido Buhari, no stop dia, im also change di name of Abuja National Stadium to Moshood Abiola stadium as part of di 2019 Democracy Day celebrations.
Hafsat Abiola, one of Moshood Kashimawo Olawale Abiola pikin, say oga Buhari decision to declare June 12 as Nigeria Democracy Day and di honour wey im add join as in change di name of Abuja National Stadium to MKO Abiola National Stadium show say few pipo no get right to decide who go rule di kontri just becos dem get moni.
She say even though MKO dey happy wia im dey on top dis honour wey oga Buhari give am, di tin wey go sweet her papa pass na to try make life beta for di poor pipo for di kontri.
Hafsat blame small group of pipo wey feel say na dia right to lead Naija or decide who di leaders go be just becos dem get moni.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
Wia dis foto come from, Hasfat Abiola-Costello
According to her, Buhari don rescue Nigeria from di small group.
Moshood Kashimawo Olawale Abiola aka MKO Abiola na Nigeria politician wey contest 1993 presidential elections wey di whole kontri pipo gree say na di best election wey Nigeria don eva do, but president Ibrahim Babangida military goment cancel am.
For more dan 20 years nobodi no mention MKO and im wife Kuburat Abiola name for Nigeria.
End of Di one wey oda users dey read well well
But for 2018 president Muhammadu Buhari decide say time don reach to honour di man wey fight for Nigeria democracy, na so im declare June 12 as di new Democracy day instead of May 29.
