How voting go across Nigeria during di 2023 presidential election

Live Coverage

Helen Oyibo and Victor Ezeama

1. 26 February 2023Una Bye-Bye

   Na here we go march break ontop our live coverage of di Nigeria 2023 presidential and National Assembly elections.

   Make you dey inside dis page to read up all di tori about how voting go across Nigeria during di election.

   Dis na some of di highlights of our coverage;

   • Counting of votes dey go on for Nigeria 2023 presidential and parliamentary election
   • Voting go continue today across different states for Nigeria
   • Peter Obi, Tinubu, Atiku all win dia units for Nigeria presidential elections 2023
   • Pipo protest for Amuwo Odofin area of Lagos say dem no see Inec officials
   • Nigeria President Muhammadu Buhari cast im vote for Daura, Katsina state
   • Nigeria dey vote who dia next leaders go be inside presidential and legislative elections

   To follow our live coverage as di results begin dey drop from di different states and Inec begin announce am, go here.

2. 26 February 2023'Some pipo dey plan to make trouble for Lagos' - Police caution

   Authorities for Lagos, south-west Nigeria don raise alarm say jaguda pipo dey plan to make trouble for di state.

   Benjamin Hundeyin tok-tok pesin for police tok dis one inside tweet,

   Hundeyin say available informate wey dem get be say some pipo don conclude plans to cause serious trouble.

   Dis police message dey come afta some parts of di state been experience violence during di presidential elections on Saturday.

   Police tok-tok pesin say dem go crush any attempt by di protsters.

   "We no go allow riot, remain law abidin," e warn.

   Skip X post

   Allow X content?

   Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

   Accept and kontinu

   Warning: Di BBC no dey responsible for di content of external sites.

   End of X post

3. 26 February 2023‘No LGA results dey ready' - INEC Rivers,

   

   Di INEC Resident Electoral Commissioner for Rivers State Dr Johnson Alalibo Sinikiem say no results dey ready from di local goment areas for di Presidential election wey hold on Saturday 25 February 2023 across Rivers State.

   Di REC tok dis one as e give update on how di announcement of results go go wit di Commissioner of Police on Election Duty to Rivers State, CP Aderemi Adeoye, come add say so far, dem don collate results from di polling units and fill di forms EC8 results sheets.

   Oga Sinikiem add say dem get challenge of uploading di election results sake of poor network connectivity, wey be common challenge across di kontri.

   E add say dem don get go ahead to organise elections for areas wia elections no hold for di State within di shortest possible time. But for places like Degema local goment area wia election no hold for 7 registration areas (RAs) becos dem no fit deploy to conduct election, dem go configure new BVAS to conduct elections dia tomorrow (Monday 27 February, 2023).

   "From today we go begin configure di BVAS to function for areas wia di election no hold becos of BVAS malfunction as di Electoral Act tok say we suppose hold elections for dia under 24 hours.

   As of today, no local goment dey ready now with dia results. We go annouce dem as soon as dem ready."

   Di REC say collation of results for di Senate and House of Representatives go dey go on at di same time as di one for di presidential elections dey go according to di different constituencies.

   E add say as di results dey come in, dem go decide areas wia dem need to conduct elections and areas wia dem no need to conduct am.

4. 26 February 2023Fotos from di National Collation Centre for Abuja

   Checkout fotos from di National Collation Centre for Abuja on Sunday.

   Earlier today Inec Chairman, Prof Mahmood Yakubu open di National Collation Centre for di presidential election.

   Prof Yakubu also set di rules for di proceedings.

   Di Inec oga beg political parties and tori pipo to get di results only from di figures INEC release.

   E tok dis one as na only di election body get di power to release official figures for elections by law.

   

   Wia dis foto come from, INEC

   

   Wia dis foto come from, INEC

   

   Wia dis foto come from, INEC

   

   Wia dis foto come from, INEC

5. 26 February 2023First set results expected from Nigeria election wey tight

6. 26 February 2023EFCC arrest three pipo for Benin wey hold 20 PVC

   

   Wia dis foto come from, EFCC

   Nigeria anti corruption agency di Economic and Financial Crimes Commission EFCC arrest three pipo for Benin wey hold 20 PVC.

   Na dia Operatives for Benin Zonal Command of di Economic and Financial Crimes Commission, EFCC, make di arrest.

   One of di suspects chop arrest afta she hold 20 PVC wey belong to different pipo.

   Dem arrest her for Ward 1, St. Patrick's Catholic Church, Ikpoba Okha, Benin City.

   She claim say na one 73-year-old woman and one oda man give her di cards.

   EFCC say di suspect give useful statement - and add say dem go arraign dem for court as soon dem finish dia investigation.

7. 26 February 2023Collation of results still dey go on for Kaduna

   Na day two of elections for Nigeria and pipo dey wait results of votes wey dem cast.

   Election for di 8,004 polling units for Kaduna State don enta collation stage.

   Collation of elections results still dey happun for ward levels as many polling units no carry dia results go dia wards early.

   Local goment collation centres no get any activities yet and notin don begin happin for state level.

   Turnout for di elections dey low as voters no show for some polling units.

   Dis low turnout also reflect for di results wey di elections officers dey present for ward levels.

   E get cases of only no single vote for a polling unit. While odas get one, five or six votes from each units wey suppose get up to 100 registered voters.

   

   

   

   

8. 26 February 2023Collation still neva start for Akwa Ibom,

   

   As at 1pm, journalists, party agents and oda pipo dey wait for INEC staff to begin collation for Uyo, di Akwa Ibom State capital.

   But BBC Pidgin find out through one register say na only five local goment election materials don arrive out of 31 local goments wey dey di state.

   

9. 26 February 2023Woman vote wit her 2-weeks-old baby

   

   Wia dis foto come from, Dis woman come vote wit her 2 weeks old baby

   One woman carry her new born baby go her polling unit to exercise her civic right for di 2023 general elections wey hold on Saturday, 25 February, 2023.

   Harrison Roseline wey come out wit her two weeks old baby say she bin dey motivated to vote becos she want a beta Nigeria.

   “I wan make dis kontri dey good for evri body including my baby. Dat na why I come out to vote.” she tok.

   Rosaline wey share her experience for di election say she reach her polling unit around 10am and no INEC official show. She wait until few minutes to 3pm and rain begin dey fall, she gatz go house as hunger also don begin dey worry her.

   Di new born mama say she go back her polling unit on Sunday morning and don finally cast her vote.

   She add say, “My hope say make di pesin I vote for, wey I know say go do well for dis kontri win dis election.”

10. 26 February 2023LP raise alarm ova Inec failure to upload presidential election results from Lagos and Delta

    Di National Chairman of Labour Party don raise alarm ova di failure of di Independent National Electoral Commission, INEC, to upload di presidential election result of Lagos state on dia central serve.

    Barr. Julius Abure allege say Inec alongside security agencies dey claim say di BVAS don suddenly develop fault and e no fit function.

    “Dis fault na only wen e concern uploading results of di presidential election.” Oga Abure tok.

    Im add am say similar situation dey playing out across di collation centres for Delta State.

    Im also call on INEC to make sure say dem upload only genuine and verifiable results generated from di various polling units.

    Skip X post

    Allow X content?

    Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

    Accept and kontinu

    Warning: Di BBC no dey responsible for di content of external sites.

    End of X post

11. 26 February 2023Delta state Collation of results dey expected to begin today

    

    All eyes now dey for di state collation of results inside Delta State, South - South Nigeria afta di election wey take place on Saturday, 25 February 2023.

    Di Delta state electoral commission don set up evri-everi for INEC collation center Asaba as dem dey wait for result to begin come from di 25 local goment area wey dey di state.

    Presently, no result don come in but di authorities dey expect to begin di collation today.

    Delta State get registered voters population of 3,221,697 but na only 2,989,514 collect dia PVC, according to INEC.

    Turnout for di election inside di state capital, Asaba dey high but voting no quick start for some polling unit.

    Wetin cause di long delay na sake of logistical problems and late arrival of electoral officers.

    pipo dey determine to vote and dem no allow di delays discourage dem.

    

12. 26 February 2023INEC go begin announce presidential results from 6pm today

13. 26 February 2023INEC don open di presidential election collation centre to declare results

    

    Wia dis foto come from, INEC

    Authorities for Nigeria, don officially open di presidential election collation centre for Abuja.

    Prof Mahmood Yakubu, di chairman of INEC open di centre in di presence of staff of di commission foreign observers, security operatives and party officials.

    Na here INEC go declare di winner of di Presidential election wey hold yesterday.

    Prof Yakubu say dem go resume back for di collation centre by 6pm Nigerian time.

    18 candidate contest for di highest office for di land, dat na di presidential election.

    Di winner of di presidential election go replace President Muhammadu Buhari wen im tenure end for May 29.

14. 26 February 2023Inec return APC Bola Tinubu as president-elect

15. 26 February 2023Wia and wia elections dey happun today?

    

    Counting of votes don start for different polling units for Nigeria 2023 presidential and parliamentary election but voting still go continue across some states one day afta di election.

    Di election wey dey slated for Saturday February 25, 2023 bin dey largely peaceful, but e bin get reports of violence for some states wia dem snatch ballot box, attack electoral officers and even voters.

    For some polling units, election materials and officials no quick show or no show wit di complete materials.

    Di chairman of di Independent National Electoral Commission, Inec, Mahmood Yakubu don promise say no Nigerian go dey disenfranchised for dis election.

    Sake of dis, resident electoral officers for places wey dey affected by electoral disruption don issue statements concerning di extension of voting to allow voters exercise dia rights.

    Read more here about di states wia election dey happun today.

16. 26 February 2023Voting don begin for Bayelsa State

    

    Elections wey dem postpone from Saturday for some areas don start again today.

    For Bayelsa state for Epie Ward 3, polling units 1 and 2 don set and pipo don line up to vote dia choice for di presidential and national assembly elections.

    

17. 26 February 2023How some electoral officers spend di night for polling units

    Body no be firewood!

    Afta all di day work, youth corp members wey take up roles as electoral officers for di Nigeria 2023 presidential and parliamentary election also deserve some rest.

    See fotos of how some of dem spend di night.

    

    

    

18. 26 February 2023States wia INEC extend election till Sunday

19. 26 February 2023Watch: Di moment afta Peter Obi vote

    Video: DI moment afta Labour Party candidate Peter Obi vote for im hometown for Agulu, Anambra state.

    Play video, "Peter Obi Voting Journey", Duration 0,42

    00:42

    

20. 26 February 2023Collation of election result to start today,

    

    Wia dis foto come from, Getty Images

    Di National Chairman of di Independent National Electoral Commission (INEC), Prof. Mahmood Yakubu say di collation of results go start on Sunday.

    Di chairman disclose on Saturday as im dey give updates on di voting process nationwide.

    “I go like to invite una at midday tomorrow (Sunday) for di official opening of di National Innovation Centre for di 2023 general elections.

    “We hope say by tomorrow, we dey expect to get some of di election results coming from states, particularly for di presidential election.

    “So, di collation centre for di presidential election go open midday tomorrow,” Yakubu tok.

    E also note say dis na di first time wey di kontri electoral body no go postpone election since 2011.

    Yabuku say while di Bi-modal Voter Accreditation System (BVAS) work optimally for most of di states across di federation, di commission bin record some challenges.

    One of di challenges na di inability of di commission to open di polling units for di appointed hour of 8:30am for some places.

    BBC Pidgin reporters wey dey ground for states like Lagos, Akwa Ibom, even di kontri capital, Abuja note some areas wia election no start until about 2 hours into di official start of di poll.

    Oga Yakubu also decry insecurity for some parts of the kontri, but im give assurance say dem no go disenfranchise any Nigerian.

    For Lagos southwest of Nigeria, protest bin break out for some polling unit wey make voting extend into di night.