You’re viewing a text-only version of this website that uses less data. View the main version of the website including all images and videos.
Crystal Palace lose opening game to Arsenal 2-0.
Moseph Ekine and Tamara Ebiwei
Alright, na here we go end our live coverage of di first game of di 2022/2023 Premier League seaon wey see Arsenal defeat Crystal Palace 2-0.
Make you scroll down to read our minute by minute update of how di game go.
Arsenal begin dia campaign wit di perfect start as Mikel Arteta side beat Crystal Palace for entertaining 2022-23 Premier League curtain-raiser for Selhurst Park.
Di Gunners maintain impressive pre-season form wit energetic performance wey see Gabriel Martinelli nod in20th-minute opener from new signing Oleksandr Zinchenko headed assist.
E take Palace most of di first half to adapt to di visitors tempo, but once dem adjust Odsonne Edouard force Aaron Ramsdale into good save afta Joachim Andersen header find am inside di six-yard box.
Wit dia supporters behind dem di Eagles pour forward in search of leveller but na Arsenal come find di net again, Marc Guehi head Bukayo Saka cross into im own net late in di game.
Di match see 21-year-ol Arsenal defender William Saliba put in impressive performance as im win Man of the Match for di way im play.
Fans of Crystal Palace and Arsenal react to di first Premier League match dis season
First game, first win, na wetin Arsenal tok afta dem beat Crystal Palace 0-2 for Selhurst Park.
Fans of di Gunners belle go sweet dem especially wen dem remember say dis same Palace beat dem for dis same ground last season.
Crystal Palace no happy as dem lose dia first Premier League game especially for dia house, in front of dia fans.
Di Eagles go need pick demsef up for dia next game wey be against Liverpool next week.
Crystal Palace lose dia opening match for di season 0-2 to Arsenal.
Di Gunners take di lead wen Martinelli score di first Premier League game of di new season for Selhurst Park.
Guehi own goal seal victory for di Gunners, as Manager Mikel Arteta side cari all three points on di day
Crystal Palace 0-2 Arsenal
Celebration for Arsenal and dia manager Mikel Arteta as di Gunners begin di season wit win away from home.
Straight from dat goal Palace make double substitution.
Eze and Schlupp come off for Ebiowei and Hughes.
86 mins
Bukayo Saka celebrate but dis go go down as own goal as Marc Guehi convert di winger cross into im own net.
Arsenal don bring on Eddie Nketiah and Kieran Tierney for Jesus and Zinchenko
Wit under 15mins to go Crystal Palace midfielder Cheick Doucoure no fit kontinu dis game.
Di mifielder don dey substituted by Luka Milivojevic.
Bukayo Saka run into good pass from Ben White before firing im shot over di bar.
69 mins
Both teams still dey try to find dat opening.
More fouls don dey di match in di last few minutes as di referee don try to allow play kontinu.
Yellow card for Crystal Palace right back, Nathaniel Clyne.
Di referee bin allow play to kontinu but later return to book di defender wey foul Martinelli.
Ben White don collect yellow card as im pull back Zaha shirt.
Crystal Palace 0-1 Arsenal
Crystal Palace make dia first change as coach Patrick Viera don bring on Jean Phillippe Mateta for Edouard.
Arsenal win freekick for good area afta Mitchell foul Saka on di right.
Captain Martin Odegaard whip di ball wit im left foot, e no trouble goalkeeper as e go out for goal kick.
Ramsdale spread imsef like bedsheet to deny Eberechi Eze from drawing Palace level. Wow!
Palace midfielder Jeffrey Schlupp try to create space for imsef for am to shoot.
Di Ghanaian finally shoot but Saliba block im shot go out for corner.
Arsenal goalkeeper Ramsdale save di cross afta im first drop di ball wey im don catch.
46 mins
Gabriel Jesus kick of di ball don see play resume.
