BBC News, Pidgin
Waka go wetin de inside

You’re viewing a text-only version of this website that uses less data. View the main version of the website including all images and videos.

Take me to the main website

Di Queen don dey lowered into di royal vault

Queen Elizabeth II funeral service for Westminster Abbey dey attended by 2,000 pipo, wey include foreign royals, world leaders and UK public figures.

Live Coverage

Jelilat Olawale and Helen Oyibo

  1. Una bye-bye!

    Na here we go end our live updates of di funeral of Her Majesty Queen Elizabeth di II today.

    We thank una wey stay wit us.

    But before we go, we leave una wit dis info say later on dis evening, for private family service, dem go bury di Queen togeda with her late husband, di Duke of Edinburgh, for di King George VI memorial chapel wey dey located inside St George's Chapel.

    Her marble slab go dey engraved with ELIZABETH II 1926-2022.

    Di Royal Family go return to di chapel around19:30 for di private event.

    Meanwhile, you fit scroll down again to catch up with how di burial waka today.

    Una goodnight!

  2. Some personal moments for di Queen burial

    Di Queen funeral dey full of tradition, but some personal touches dey too.

    Corgis: Two of di Queen beloved corgis - dogs - Muick and Sandy wait for di procession wey dey carry her coffin to St George's Chapel inside Windsor Castle.

    Jewellery: Di Princess of Wales wear one four-row Japanese pearl choker necklace wit diamond clasp, wey bin once belong to di Queen. Di Queen, wey commission di design using cultured pearls from di Japanese goment, bin wear am regularly for di 1980s and 1990s.

    A lone piper: Di service for Westminster Abbey end to di sound of bagpipes, wey di Queen personal piper play. For 70 years, largely without exception, di Piper to di Queen go play each morning for 15 minutes under di Queen window, whenever she dey dia.

    Flowers: At King Charles III request, di wreath for Her Majesty funeral contain flowers and foliage wey dem cut from di gardens of Buckingham Palace and Clarence House for London - and Highgrove House for Gloucestershire.

    A favourite hymn: Di Lord My Shepherd be one of di hymns wey di 2,000 mourners sing for Westminster Abbey. Dem say na personal favourite of di Queen, and dem bin also sing am for her wedding to di Duke of Edinburgh for 1947 for Westminster Abbey.

  3. Highlights of di events wey happun today

    Dis na di highlights of di events wey happun:

    • Di day start wit di end of di Queen lying-in-state period, and di procession of her coffin to Westminster Abbey
    • Around 2,000 pipo attend di funeral service including many heads of state
    • Den a larger procession march wit di coffin of Elizabeth II to Wellington Arch: na landmark wit triumphal significance for British history
    • Afta dat dem place di late sovereign for one car and drive her go Windsor
    • Di third procession of di day see di King and oda royals waka behind di Queen car as dem take her to St George’s Chapel for a committal service wey 800 pipo attend
    • Later - by 19:30 - di Royal Family go return to di chapel for one private event wey go see Elizabeth buried alongside her late husband, di Duke of Edinburgh
    • A period of royal mourning go continue for anoda week - until September 26

  4. Who attend di Queen funeral - and who no go?

  5. Service of committal for Queen Elizabeth II don end

    Di committal service for Queen Elizabeth II don end for St George Chapel inside Windsor Castle, west of London.

    Towards di conclusion of di ceremony, di Dean of Windsor remove di royal crown, orb and sceptre, from di Queen coffin and place dem on di altar.

    Dem come lower her casket into di Royal Vault for St George Chapel for Windsor Castle, ahead of private burial service later.

  6. Pictures inside St George's Chapel

  7. Committal service for Windsor Castle don start

    Dem don place di Queen coffin wia e go rest for di service. Di bearer party don comot and di Royal Family don take dia seat.

    Di Choir dey sing Psalm 121, music by Sir Henry Walford Davies, who be former Organist of di Chapel.

    We go also hear di Russian Contakion of di Departed, dem sing am for di funeral of di Duke of Edinburgh.

  8. King and senior royals join di procession

    Senior members of di Royal Family join di procession as di state hearse approach St George Chapel.

    King Charles III, Princess Anne, Princes Andrew and Edward, as well as Princes William and Harry dey waka behind di hearse.

  9. Procession don reach Windsor Castle

    See di procession as e pass into di Quadrangle of Windsor Castle into Engine Court.

    E go now pass di Norman Arch, Chapel Hill, Parade Ground and di Horseshoe Cloister Arch - wia one guard of honour dey wait di funeral party.

    King Charles III and oda senior royals dey expected to join di procession.

  10. Committal service go feel smaller and more intimate

    Around 800 guests go dey St George Chapel for di Committal Service.

    E dey smaller and more intimate dan di funeral service for Westminster Abbey dis morning.

    Dis na di equivalent of di Queen parish church during di years she live for di castle. Na wia she worship for Easter and celebrate baptisms, confirmations and weddings during her reign.

    Na wia she say her own final farewell to her husband Prince Philip.

    Dem go lay di family flowers for di foot of di altar – e go provide flashes of colour on di chapel floor.

    Tori be say dem discuss di details of di Committal Service wit di Queen ova di years.

    But di final hymn no be her choice. Dat one dem leave am to di Dean of Windsor and di King. Dem choose Christ Is Made di Sure Foundation.

  11. Royal corgis wait for di Queen

    E no go be tribute to di Queen without di presence of her beloved corgis.

    Camera snap Muick and Sandy as dem dey await di procession wey carry di Queen coffin to St George's Chapel.

    Dem be di last two corgis wey di Queen own and you fit read all about her love of di breed hia.

    Now, dem dey under di care of Prince Andrew and im former wife, Sarah Ferguson

  12. Final moments for pipo to see di coffin

    Dis na di final moments for di public to see di hearse - di vehicle wey dey carri di coffin becos once e enta inside di gates of Windsor Castle, members of di public no go fit see am.

    E go only be those wey don come to di chapel to take part in di service.

    So dis na like di last sighting of di of di Queen coffin wey her subjects go see, except of course if dem watch am for television.

  13. In pictures: State hearse dey travel di Long Walk for Windsor

  14. Wetin go happun dis afternoon?

    Di Queen coffin go arrive for Windsor shortly.

    Dis na wetin we dey expect to happen next

    • 15:06 BST– Di state hearse - vehicle wey dey carri di coffin go arrive for Windsor and join di awaiting procession
    • 15:10 – Di procession up di Long Walk go begin
    • 15:40 – Di King and oda members of di Royal Family wey dey walk in di procession go join for di Quadrangle for di North side as e pass into Engine Court
    • 16:00 – Di Committal Service for di Queen go take place for St George's Chapel for Windsor Castle. E go end wit wen dem lower di coffin inside di Royal Vault.
    • 19:30 – For a private family service, dem go bury di Queen togeda wit her late husband, di Duke of Edinburgh, for King George VI memorial chapel, wey dey inside St George's Chapel.

  15. Checkout some of di uniforms on display for Queen funeral procession

    Di Queen coffin dey escorted by bearer party from di Grenadier Guards, di King Body Guards of di Honourable Corps of Gentlemen at Arms, di Yeomen of di Guard and di Royal Company of Archers.

  17. Crowds dey wait di arrival of Queen coffin for Windsor

    Di car wey dey carry di Queen coffin dey on dia way to Windsor wia big crowd dey under sun and some dey watch on for television.

    E go take a while before di car go reach dia destination.

    Di Queen last journey begin hundreds of miles away for Balmoral and e go end for dis Berkshire town.

    For Basant Sehra, wey be 22 years and her papa Bahadur dis na special moment watching di funeral.

    Basant bin meet di Queen wen she visit her home town of Hayes, West London, wen she dey primary school.

    "My sister and I shake her hand. And she inspire us to join di Royal Air Force Cadets. I never see dem before dat day."

    Her papa Bahadur, add say: "I dey hia out of respect. She be wonderful lady."

  18. Thousands line di streets as hearse heads to Windsor

    Members of di public don gada in dia thousands along di route di Queen funeral procession dey take go Windsor.

    Crowds watch as di state vehicle wey dey carri di coffin pass through London, with some pipo dey throw flowers in di direction of di convoy.

  19. Events move to Windsor next

    Di state vehicle wey dey carri di coffin dey head to Windsor for a committal service for St George Chapel at 16:00 BST.

    Around 800 guests dey expected - so na smaller-scale event dan wetin we just witness for Westminster.

    Later in di evening, dem go bury di Queen for a private family service wey go be more intimate still.

    As di vehicle leave Wellington Arch, members of di parade give a royal salute and dem play di national anthem again.

    Di King and Queen Consort and oda senior royals go now travel by car.

  20. In pictures: Royal Family for di procession