Boris Johnson resign as UK Prime Minister

Boris Johnson don resign as UK prime minister.

Johnson for im resignation speech on Thursday afternoon say:

"I go serve until a new leader dey in place"

Johnson also resign as Tory leader, saying di will of im party dey clear.

Di outgoing UK Prime minister say "I don agree with Sir Graham Brady, di chairman of our backbench MPs, say make di process of choosing di new leader begin now....

"...and di timetable go dey announced next week. And I don today appoint a Cabinet to serve, as I go do, until a new leader dey in place."

A Conservative leadership race go happun dis summer and a new Prime Minister go be in place in time for di Tory party conference in October.

Tori be say oga Boris Johnson bin speak to Sir Graham Brady, chairman of di Conservative 1922 Committee, to inform him of im decision.

Johnson resignation speech: Key points

Boris Johnson deliver im resignation statement at about 12:30pm London local time in front to No. 10 Downing Street.

Here be a summary of di key points of Johnson resignation statement on Thursday 7 July, 2022.

  • Boris Johnson say e bin dey "clearly now di will of di parliamentary party" for dem new PM to dey.
  • Timetable for choosing a new PM go dey announced next week
  • E say im wait so long to make di decision as im dey dey committed to deliver on sie voters' mandate in person.
  • Johnson say im feel say na im duty and obligation to do wetin im promise.
  • E say imdey so proud of im achievements, including getting Brexit done, getting di UK through di pandemic.
  • E mention leading di West in standing up to Vladimir Putin invasion of Ukraine as part of im achievement.
  • E say UK must "keep levelling up", adding say doing so go make di UK di most most prosperous in Europe
  • Johnson say e bin try to beg im colleagues e go dey "a bit strange" to change goment wen we get such a mandate, but regret say im no dey successful in those arguments.
  • He say "for Westminster di herd instinct dey powerful, when di herd move, e moves".
  • Johnson say im bin wan to let the public know "how sad I dey to give up di best job in di world" but "Them's di breaks".
  • He thank im wife Carrie, im children, di NHS , armed forces and Downing Street staff
Skip content and continue reading
List of possible replacement for Boris Johnson as UK prime minister

End of content

Call for Boris Johnson resignation - Wetin we sabi

Boris Johnson bin dey fight to stay on for No 10 despite say im support dey collapse for anoda dramatic day of resignation.

Di PM no coperate despite say many be im loyal supporters bifo including Priti Patel and Grant Shapps wey dey call for am to step down on Wednesday.

Welsh Secretary Simon Hart become di latest cabinet minister to quit, while Attorney General Suella Braverman launch one leadership challenge.

See summary of wetin don happun so far.

  • Johnson decision to go dey follow further ministerial resignations dis morning
  • But m go continue to serve as prime minister until di autumn to allow a new leadership contest to take place
  • Nadhim Zahawi on Thursday morning tell John say im must "go now", two days afta dem make her chancellor
  • New Education Secretary Michelle Donelan and Northern Ireland Secretary Brandon Lewis don resign, putting further pressure on Johnson
  • Ministers Helen Whately, Damian Hinds, George Freeman, Guy Opperman, Chris Philp, and James Cartlidge don also step down
  • But di Prime Minister don dey defy calls to step down, pointing to im 2019 election win
  • Attorney General Suella Braverman say she go contest any leadership challenge, although no resign
  • On Wednesday night, Boris Johnson sackeMichael Gove afta di Levelling Up secretary tell am to quit
  • Home Secretary Priti Patel and Transport Secretary Grant Shapps are also among those telling Johnson to go

How Boris Johnson fit leave office

If party ogas change di one-year rule on leadership challenges, rebel Tory MPs fit try again to oust am later dis summer, or for autumn.

If Mr Johnson lost one vote of no confidence for Parliament, e go get to resign or call for election.

Otherwise, e go get to to resign imself - possibly for cabinet pressure, like Margaret Thatcher - or afta fresh wave of ministerial resignations.