Arik Air make emergency landing afta engine develop fault mid-air

Arik Air Boeing 737-700 make emergency landing for Benin Airport on Wednesday afta di engine fail mid-air.

Di aircraft, wit registration number 5N-MJF, dey operate flight W3 740 from di Murtala Muhammed Airport, Lagos, to di Port Harcourt International Airport, Omagwa, wia di incident hapun.

Inside one video wey dey circulate on social media, di passengers wey bin dey inside di plane bin dey pray seriously as di plane dey try to land safely.

Di plane carry 80 passengers and na all passengers land safely wit no life lost.

According to Airk Air statement, di incident hapun on Wednesday and di aircraft crew make emergency landing for Benin airport, afta dem detect say di left engine dey faulty.

Di airline tok say di crew hear loud bang from di left engine as dem wan land for Port Harcourt, so dem quickly take action.

Di aircraft say dem land for Benin Airport, and all passengers and crew members wey dey on board come down safely.

"Arik Air Boeing 737-700 wey dey operate flight W3 740 from Lagos to Port Harcourt today, February 11, 2026, divert go Benin Airport afta di operating crew hear loud bang for di left engine," di statement tok.

"Di aircraft wan land for Port Harcourt International Airport, Omagwa wen di incident hppun, and as precautionary measure, di crew make safe plane diversion to Benin.

"No passenger or crew injure as all 80 passengers on board come down safely.

Di airline confam say dem don make arrangement to carry all di passengers to dia final destination.

We don make arrangement to transport all di passengers wey dey affected go dia final destination.

"We sincerely apologise to di affected Port Harcourt passengers wey dia journey dey disrupted. Di Safety and wellbeing of our passengers na our main priority for Arik Air."

Director of Public Affairs and Family Assistance for NSIB, Mrs Bimbo Oladeji, tok say preliminary observations indicate significant damage to di affected engine based on one initial visual assessment.

"NSIB confam say Arik Air Boeing 737-7GL wey register as 5N-MJF, wey dey operate as domestic flight from Lagos to Port Harcourt today, experience in-flight engine anomaly and divert go Benin Airport," di statement tok.

"During di cruise phase, di crew crew detect abnormal indications on one of di engines.

"In accordance to safety rule, wit established safety procedures, di flight crew conduct precautionary engine shutdown and divert to di nearest suitable airport, Benin.

"Di aircraft land normal, and all di passengers and crew come down normally. Dem no report any injury."