Champions league draws: Liverpool to meet PSG, Arsenal face PSV

Read am in 1 mins

Premier League leaders Liverpool go face French giants Paris Saint German for di round of 16 of di Uefa Champions League following di draw wey happen dis Friday for Nyon, Switzerland.

Arsenal, second place of di EPL table go meet wit PSV of Netherlands, while di remaining English side for di tournament, Aston Villa go tackle Belgian Club Brugge.

For di oda matches, Real Madrid go face dia next-door neighbours Atletico Madrid in a repeat of di 2014 and 2016 finals, while two German sides go lock horns as Bayern Munich go meet Bayer Leverkusen wia Nigerian stars Victor Boniface and Nathan Tella dey ply dia trade.

Dis na di third stage of di new league format of di tournament wey be di second biggest football tournament for di World afta di Fifa World Cup.

Eight more players bin qualify for di round of 16 on Tuesday and Wednesday following a two-leg play-off.

Remember say di teams wey finish on position one to eight for di league phase bin don qualify automatically.

Di complete draws

Dis na how di remaining 16 teams go square off:

  • PSV vs Arsenal
  • PSG vs Liverpool
  • Club Brugge vs Aston Villa
  • Benfica vs Barcelona
  • Real Madrid vs Atletico Madrid
  • Bayern Munich vs Bayer Leverkusen
  • Borussia Dortmund vs Lille
  • Feyenoord vs Inter Milan

Wen di matches go be?

  • Di dates for all di matches for dis knockout phase of di Champions league na:
  • March 4 and 5, 11 and 12 - Round of 16 first and second leg
  • April 8 and 9, 15 and 16 - Quarter final first and second leg
  • April 29 and 30, May 6 and 7 - Semi-finals first and second leg
  • May 31 - Final