Nigeria mount second half revival to win 10th Wafcon title

Nigeria Super Falcons come from two goals down to beat host Morocco 2-3 for di final of di 2024 Women's Africa Cup of Nations to win dia 10th title.

Di match wey happun for di Olympic stadium for Rabat nearly full wit fans and Moroccans.

Right from di blast of di whistle Morocco rush Nigeria and score two early goals inside di first half.

Ghizlane Chebbak score di first goal for di 12th minute bifor Sanaa Msouddy score Morocco second goal twelve minutes later.

Nigeria comeback into di game for second half afta dem get penalty, Moroccan defender block Folashade Ijamilusi goal attempt wit her hand.

Esther Okoronkwo step up and score Nigeria first goal wit beta penalty kick.

Folashade Ijamilusi grab Nigeria second goal for di 71st minute bifor late substitute Jennifer Echegini score di winner for di 88th minute.

Dat goal weak di hosts as e leave dem wit little time to find di equaliser.

Wit dis win, Nigeria don win di Wafcon 10 times and complete dia Mission X, di tag wey dem give dia tournament campaign as dem bin come to win di trophy for di tenth time.

Morocco don also enta record books as dem lose two back to back finals in front of dia home fans.

Nigeria also don become di first team to win di new Wafcon trophy wey Confederation of Africa Football (Caf) bin unveil before di tournament.

For winning di tournament, dem go also go home wit di one million dollars prize money.

Second Half

Morocco 2-3 Nigeria

90+6 GAME OVA!!!!!!

90+4 Babajide Morinsola goal attempt land for cornerkick, Rasheedat Ajibade play am but Moroccans block am.

90+2 Substitution for Nigeria Mitchelle Alozie don comot , Oladipo and Sikiratu don enta.

90' Six minutes added time

90' Substitution for Morocco Rabbah don comot.

Morocco 2-3 Nigeria

88' GOALLLLLLLLLL for Nigeria, Jennifer Echegini play di ball inside di net afta Esther Okoronkwo plyay di freekick.

87' Freekick for Nigeria afta Msouddy challenge Alozie of Nigeria.

84' Chance for Nigeria as Esther Okoronkwo carry ball enta Morocco goal area, Ashleigh Plumptre dey go for di ball but two Moroccan defenders attck mher, one push her and she fall for ground.

83' NO PENALTY!!!!

80' Chebbak don ready to play di penalty but referee still dey check VAR

78' Afta two back to back corner kicks Morocco force penalty call on Nigeria afta ball touch player hand inside di box.

77' Substitution Asisat Oshoala don enta

76' Morocco don wake up o, dem dey try to enta Nigeria area but Mitchelle Alozie dey block di move.

Morocco 2-2 Nigeria

71' GOALLLLLLLLL!!!!!!!! Esther Okoronkwo carry ball enter Morocco defence she pass di ball to Ijamilusi Folashade wey score di goal.

70' Esther Okoronkwo of Nigeria enta Morocco goal area wit di ball but Benzena of Morocco block am.

69' Sakina Ouzraoui of Morocco carry ball enta Nigeria area but her weak shot land for Nigeria goalkeeper Chiamaka Nnadozie hand.

67' Di tempo of di game don calm down small, Nigeria don dey collect ball from Morocco as dem dey try move forward.

64' Morocco 2-1 Nigeria

64' GOALLLLLLL!!!!!! Esther Okoronkwo score di penalty for Nigeria.

60' Penalty for Nigeria afta VAR check di ball wey Ijamilusi of Nigeria play wey Morocco defender block wit her hand.

58' Double substitution for Nigeria Chinwendu Ihezuo don comot as Morinsola Babajide enta, Halimatu Ayinde don comot for Onyinyechi Echegini.

55' Morocco dey hold di ball wit dia short-short passes while Nigeria dey try to catch up wit dem to collect ball and create chances.

53' Morocco dey try settle for dis second half wit dia short -short passes.

51' Esther Okoronkwo make beta run but nobody dey to pass ball give, she still dey run wit di ball bifor players to reach her Morocco defenders dob lock evriwia.

50' Throw-in for Nigeria, Mitchelle Alozie play am, Nigeria players for di goal area try to get on di ball but Moroccan defenders clear am to safety.

47' Free kick for Nigeria, Esther Okoronkwo play am, Osinachi Ohale head am nut Morocco defence clear di ball wey later land for dia goalkeeper hand.

46' Second half don start

First Half

Half Time: Morocco 2-0 Nigeria

45+3 Referee blow whistle to end First Half

45+3 Corner kick for Nigeria but e land for di Morocco goalkeeper hand.

45+2 Morocco on counter attact as all Nigeria players dey up front, Msouddy run wit di ball for di flanks but she play di ball go side of di box.

45+1 YELLOW CARD for Morrocan player wey foul Rasheedat Ajibade, freekick for Nigeria but notin come out.45' Three minutes added time.

44' Freekick for Nigeria, Esther Okoronkwo play am, Morocco defence clear di ball, Nigeria collect di ball again, fire shot but e land for goalkeeper hand.

42' Corner kick for Nigeria, Ijamilusi play am but Morocco goalkeeper punch am .

40' Di tempo of di game don dey cool down small wit plenti trow-ins.

39' Esther Okoronkwo of Nigeria pass di ball to Ijamilusi wey fire di ball into Morocco goalkeeper hand.

38' Osinachi Ohale carry ball dey go Morocco area but dem block am.

37' Morocco dey dominate play so far and dem dey evriwia dey attack Nigeria.

36' Morocco no dey allow Nigeria to settle down wit di ball as dem dey steal and block all Nigeria passes.

34' Msouddy of Morocco block Nigeria pass, carry ball dey go Nigeria goal area but Nigeria defenders defend di ball to safety.

31' Morocco dey block dia defence dem no wan allow Nigeria get space to score but Nigeria still dey hustle to get goal.

29' Corner kick for Morocco but dem play am ova di bar.

27' Morocco dey dominate play for di last two minutes. Nigeria dey try to catch up wit di fast football wey Morocco dey play but e dey hard dem.

24' GOALLLLLL!!!! for Morocco Sanaa Msouddy score for Morocco

22' Folashade Ijamilusi of Nigeria carry ball enta Morocco goal area but plyers no too dey to pass di ball give, she play di ball wey land for di Moroccan goalkeeper hand.

20' Match don continue Moroccan player player di ball outside wey give advantage to Nigeria.

19' Nigeria and Morrocan player jam each oda and dem dey for ground.

15' Pressure don dey for di game as di two teams no wan allow each oda carry ball pass di midfield

Morocco 1-0 Nigeria

12' GOALLLLLL!!!!! for Morocco, Chebbak fire shot from outside di 18 yard box straight into di net.

11' Esther Okoronkwo of Nigeri carry ball enta Morocco goal area but two Moroccan defenders force di ball go corner kick, dem play am but e land safely for di Moroccan goalkeeper hand.

9' Rasheedat Ajibade of Nigeria make beta run wit di ball enta Morocco area she pass di ball but di Nigerian player she give miss nd and dem lose di ball to Morocco.

7' Chebbak of Morocco play di corner kick, Nigeria goalkeeper Chiamaka Nnadozie punch di ball , Moroccan player fire am back , Nigeria defender clear di ball again to safety.

5' Sakina Ouzraoui of Morocco dey worry di midfield, Benzena play di ball to Nigeria goal area, Mitchelle Alozie defend di ball wey cause corner kick against Nigeria.

4' Nigeria get dia first corner kick, Folashade Ijamilusi play am, e land for Mitchelle Alozie leg but she fire am ova di bar.

3' Sakina Ouzraoui of Morocco carry ball go near Nigeria post but notin come out.

2' Morocco and Nigeria dey rush di ball dis early mor-mor for di game

1' Referee don blow whistle, match don start.

Line-ups

Morocco starting 11:Khadija Er-Rmichi, Zineb Redouani, Nouhaila Benzina, Ghizlane Chebbak, Ibtissam Jraidi, Najat Badri, Aziza Rabbah, Hnane Ait El Haj, Sanaa Mssoudy, Sakina Ouzraoui, Yasmin Mrabet

Nigeria starting 11: Chiamaka Nnadozie, Osinachi Ohale, Ashleigh Plumptre, Esther Okoronkwo, Deborah Abiodun, Demehin Oluwatosin, Rasheedat Ajibade, Halimatu Ayinde, Chinwendu Ihezuo, Mitchelle Alozie