Champions league results: Arsenal top table afta week six

Arsenal dey ontop of di Champions League afta match day six. Di Premier League team show Belgian side Club Brugge pepper afta dem sama Club Brugge 3-0 for away from home.

Noni Madueke score two goals den Gabrielle Martinelli score di third goal.

Arsenal Manager, Mikel Arteta describe Noni Madueke goal as "an unbelievable goal," Arteta said.

"Wen you tok about individual quality and magic moments, na im be dis"

Arsenal wey just dey come back from dia 2-0 los to Aston Villa ova di weekend show class against di Belgian club.

Anoda Premier League club Manchester City beat 15 - time Cup winners Real Madrid 2-1 for dia house for di Bernabeu.

Newcastle too no slack, dem play 2-2 draw wit German side Bayer Leverkusen.

On Tuesday Italian side Atalanta beat Chelsea 2-1 while Liverpool lose to Inter Milan 1-0

See full results

Arsenal balance ontop of di Champions Leagie table wit 18 point afta six matches.

Di Gunners use three points pass Bayern Munich wey dey second for di table wit 15 points.

Paris Saint Germain, Manchester City and Atalanta get 13 points each.

Inter Milan, Real Madrid, Atletico Madrid and Liverpool get 12 points each while Borrusia Dortmund wey get 11 point complete di top 10.

Champions League table afta week 6

Tottenham, Newcastle, Chelsea and Barcelona dey for di second half of di table wit 10 and 11 points.

Bayer Leverkusen complete di top 20.

Plenti matches still dey to play for dis Group phase and di table go continue to change.