Nigeria share point wit Equatorial Guinea for dia first Afcon 2023 game

14 January 2024

Nigeria share point wit Equatorial Guinea for dia first Afcon 2023 match.

Di game wey shelle on Sunday afternoon for di Alahassan Outtara stadium for Abidjan see di Super Eagles struggle to score goals despite say dem create more chances.

Di Super Eagles get 17 shots to Equatorial Guinea six. Dem also get six shots on target against di one wey dia opponent get.

Na di African Footballer of di Year Victor Osimhen lead dia attack – e score di equalizing goal afta Salvador bin open scoring for Equatorial Guinea.

Both goals come inside di first half.

Many pipo bin watch di second half wit plenty expectation say more goals go dey di match. But dat one no happun.

Di Napoli forward miss good chances including a one on one wit Owono wey prove im sef.

Di 22 year old Equatorial Guinea goalkeeper eventually become man of di match.

Skip Di one wey oda users dey read well well and continue reading

Di one wey oda users dey read well well

End of Di one wey oda users dey read well well

Dis one make am three straight times wey Nigeria neva win any game - Nigeria 1-1 Lesotho, Zimbabwe 1-1 Nigeria and Nigeria 1-1 Equatorial Guinea.

Di two teams dey Group A wit host Ivory Coast wey wey dey lead di group afta dia 2-1 win over Guinea Bissau.

Nigeria next match na against di host on Thursday.

Second Half

90mins+2: SUBSTITUTION! Paul Onuachu enta for Iwobi

90mins+1: SUBSTITUTION! Nlavo enta for Salvador

90mins: 6min added time

85mins: SUBSTITUTION! Jose Machin comot for Santiago Eneme

83mins: SUBSTITUTION! Bassey enta for Zaidu. Osayi-Samuel come in for Aina

80mins: Good from kick from Zaidu. Fine clearance by di Equatorial Guinea defence

76mins: MISSED CHANCE! Osimhen miss one-on-one. E no make sense

Nigeria 1-1 Equatorial Guinea

74mins: SUBSTITUTION! Pablo Ganet comot for Alex Balboa. Charles Ondo enta for Jannick Buyla

70mins: SUBSTITUTION! Simon Chukwueze enta for Moses Simon. Joe Aribo enta for Alhassan Yusuf

67mins: GOOD SAVE! Anoda sharp save from Owono from Ola Aina shot

65mins: YELLOW CARD for Zaidu Sanusi for time-wasting

58mins: Equatorial Guinea don find dia confidence again. Alhassan Yusuf no dey gree for dat defence

54mins: GOAL OPPORTUNITY! Zaidu don miss two golden chances. E make am two now but e no hit di ball well. Be like e dey lack confidence to score

51mins: Free chance for Aina to shoot. He make am easy for Owono to save

48mins: Good block by Troost-Ekong from Nsue run wey don dey worry di defence since.

Nigeria 1-1 Equatorial Guinea

45mins: Second Half don start

HALF TIME: Nigeria 1-1 Equatorial Guinea

45mins: MISSED GOAL! Nigeria for don dey lead from dat fine shot from Simon Moses wey hit bar.

Nigeria 1-1 Equatorial Guinea

38mins: GOAL! Nigeria sharply respon wit a soft touch by Victor Osimehn

Nigeria 0-1 Equatorial Guinea

36mins: GOAL! Salvado open scoring for Equatorial Guinea.

34mins: Both teams dey tackle dem sef well. Nobody don create any special moment

29mins: MISSED CHANCE! Di Napoli striker don miss two good chances so far.

26mins: YELLOW CARD. Bikoro chop card for foul on Nigeria player

24mins: Good shooting effort by Machin. Di bass in between di crowd go wide.

21mins: OFFSIDE! Anoda offside for Osimhen

19mins: Bikoro try test Nwabali wit a shot from outside di 18 yard box. Easy catch for di Nigerian keeper

15mins: Nsue dey really worry di Super Eagles

12mins: Yusuf just boot ball go uo from free kick wey Zaidu take.

9mins: MISSED CHANCE: Zaidu miss wonderful chance for early lead.

7mins: OFFSIDE! Nigeria for get dia first corner but Linesman catch Osimhen for offside.

5mins: Easy save for Nwabali from Akapo cross.

3mins: Iwobi dey move around and e try find Osimhen but Equatorial Guinea keeper dey alert

Nigeria 0-0 Equatorial Guinea

1min: KICK OFF

First Half

Nigeria vs Equatorial Guinea line-ups

Nigeria: Nwabali, Aina, Ekong, Ajayi, Zaidu, Onyeka, Yusuf, Iwobi, Lookman, Moses, Osimhen

Equatorial Guinea: Owono, Akapo, Orozco, Coco, Ndong, Ganet, Bikoro, Buyka, Machin, Slavado, Nsue

Equatorial Guinea

For Equatorial Guinea, dis go be dia fourth Caf Africa Cup of Nations appearance, but dis na only di second time dem go qualify as non hosting kontri.

Dem dey always reach di knockout stages; quarter-finalists for 2012 and 2021, while dem carry 4th place for 2015 competition.

Equatorial Guinea neva score more dan two goals for dia former 15 matches for di CAF Africa Cup of Nations. Na only two of Equatorial Guinea 11 goals for Afcon na im dem don score for di first half of matches.

If dem repeat dia historical feat and secure a spot for di knockout round, e fit dey spell trouble for pre-tournament favourites like Nigeria or Cote d’Ivoire.

Equatorial Guinea ability to navigate difficult groups for 2012, 2015 and 2021, wey make dem beat di likes of Zambia, Gabon, and Algeria, don showcase dia resilience to upset di favourite teams.

Dis competition promise to deliver goals and celebrations, as both teams dey eager to secure all three (3) points.

Sunday games: Africa Cup of Nations fixtures

Skip X post

Allow X content?

Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

Warning: Di BBC no dey responsible for di content of external sites.

End of X post