Champions League play-off go see Mourinho, Real Madrid re-match

Newcastle go play Qarabag for anoda two-legged play-off to reach di last 16 of di Champions League.

PSG, wey finish 11th, go face Monaco while 15-time European champions Real Madrid go meet former manager Jose Mourinho Benfica.

First eight teams don already qualify for round of 16 automatically, dis qualification go reduce pile up of fixtures for February.

First leg of di playoffs go happun on 17 or 18 of February while di second leg go happen one week afta.

Na di Puskas Arena for Budapest, Hungary go hosts di 2025-26 final on 30 May.

Qarabag finish 22nd for di league phase afta dem win three, draw one and losing four of dia matches.

Dem chop 6-0 against Liverpool for Anfield for dia final outing and neva beat any Premier League team in nine previous attempts.

Di Azerbaijan champions avoid defeat for di first time against English club wen dem draw 2-2 with Chelsea in November.

Uefa Champions League play-off fixtures

Silver pathway

Monaco v Paris St-Germain

Galatasaray v Juventus

Benfica v Real Madrid

Borussia Dortmund v Atalanta

Blue pathway

Qarabag v Newcastle United

Club Brugge v Atletico Madrid

Bodo/Glimt v Inter Milan

Olympiakos v Bayer Leverkusen

Wetin go come afta di play-offs?

Now wey don determine di eight winners for di playoffs, dem go proceed to di round of 16 wia dem go meet di top eight teams from di league phase.

From dis point, di competition go adopt knockout format wia dem go dey play two legs each for di rest of di tournament except di finals.

Teams final ranking for di league phase go influence how dem go draw dem for di round of 16. Teams wey finish for top eight go get di advantage of playing dia last second fixtures for dia home ground.

Dis go be di first season wey di position team finish for league phase go influence how dem go seed dem for di quarter-final and semi-finals.

Teams wey finish first to fourth for end of league phase go dey seeded for quarter final stage and go get advantage to play dia second leg games for dia home grounds for dia quarter final tie.

Dem go also seed sides wey finish first top and runner up for league wen dem reach semi-finals, dem go also get advantage to play dia second leg game for home if dem reach semi-final stage.

If teams wey dem seed no progress into di quarter-final or semi-finals, team wey knock dem out go inherit dia seeding position.

Knockout phase draw and fixture dates

Di draw wey go determine di last 16, quarter-finals, semi-finals and final go take place on 27 February.

Di dates for di knockout phase na as follows:

Last 16: 10-11 and 17-18 March

Quarter-finals: 7-8 and 14-15 April

Semi-finals: 28-29 April and 5-6 May

Final: 30 May

Tanks to Richard for Saffron Walden for di question.

Dis article na di latest from BBC Sport Ask Me Anything team.