Why Abia govnor appoint Sanusi, Okonjo-Iweala as members of Economic Council

Govnor Alex Otti of Abia State don appoint Emir of Kano, Muhammad Sanusi II; di director-general of di World Trade Organisation (WTO), Ngozi Okonjo-Iweala, as members of im Economic Advisory Council.

Oda pipo wey dey di list include former director-general of di Securities and Exchange Commission (SEC), Arunma Oteh, Chidi Ajaegbu, George Agu, among odas.

One press statement from di Abia State goment tok say di council na part of di govnor effort to reposition di state economic sector.

Oga Otti during di inauguration of di council on Thursday, tok say im administration dey seek di guidance from di 19-member council.

Im express concern say di state economy don become fragile because of “economic sabotage”.

“Today, I dey delighted to announce di formation of di Abia Global Economic Advisory Council (AGEAC),” Oga Otti tok..

“Dis esteem group dey comprise of distinguished personalities from various fields, wey don agree to advise our administration on economic matters.”

Di governor of Abia State tok say di programme go reposition and rebuild di state as di economic pride of Nigeria.

Im add say di newly appointed members go bring wealth of experience and expertise for dia various sectors, enhancing di diversity and dynamism of di Abia State Global Economic Advisory Council.

“AGEAC dey integral to our strategic initiative for di economic revitalization of Abia State. Afta years of neglect, our goal na to rebuild and reposition our state as a leader in innovation and economic growth, both regionally and globally,” Oga Otti tok.

“We don plan to capitalise on our rich resources, entrepreneurial spirit, and strategic location.

“Di AGEAC go offer insights and recommendations on fostering innovation, attracting investments, forming robust partnerships, and enhancing our state economic resilience amidst global economic shifts.”

List of Abia Economic Advisory Council members

Arunma Oteh – Co-Chair

Muhammad Sanusi II – Co-Chair

Bolaji Balogun – Co-Chair

Victor Onyenkpa – Member

Ifueko Omoigui Okauru – Member

Chidi Ajaegbu – Member

Uche Orji – Member

Ndidi Nwuneli – Member

Chika Nwobi – Member

Olugbenga Adesida – Member

Ndubuisi Ekekwe – Member

Clement Owunna – Member

Uzodinma Iweala – Member

Ezinwa Okoroafor – Member

George Agu – Member

Uzo Nwankwo – Member

Chinedu Azodoh – Member

Ngozi Okonjo-Iweala – Honourary Advisor

Benedict Oramah – Honourary Advisor

AGEAC also include five members from di State Executive Council, wey include:

Dr. Alex Otti – Governor

Mr Ikechukwu Uwanna – Attorney-General and Honourable Commissioner for Justice

Mr. Kingsley Anosike – Honourable Commissioner for Budget and Planning

Mr Michael Akpara – Honourable Commissioner for Finance

Dr. Chimezie Isaac Ukaegbu - Honourable Commissioner for Trade, Commerce and Industry.

Di AGEAC Secretariat go dey under Mr. Chinenye Mba-Uzoukwu and Mr. Charles Egonye, wit support from Mrs. Victoria Onwubiko and Ms. Amaka Okonkwo.