'I no dey good enough' – Guardiola dey face ogbonge rebuild for Manchester City

Pep Guardiola say im sleep don suffered during Manchester City crisis, so e no go dey get bad dream sake of im defeats.

Pep Guardiola look worried for di touchline even afta Manchester City bin lead di derby thru Josko Gvardiol im 36th-minute goal – from di header.

Bifor di second half, Pep don dey siddon alone wia im close eyes as e dey drink water wey las las im lose di derby to Manchester united for di last minute.

First, Matheus Nunes don dash United di first goal afta im give Amad Diallo one lose ball, bifor di Portuguese foul am inside di box.

Na so Bruno Fernandes score from di penalty.

Two minutes afta dat goal, Manchester United get dia second goal afta Lisandro Martinez clear one ball wey beta di City defenders, allowing Diallo to pounce and score.

Di goalkeeper and di defenders gatz to do beta for dat ball – dat na di latest game wia City bin dey lose by 88 minutes; na di first time also City don lose game even tho dem lead late into di game.

Manchester City bifor now get record of losing four out of 105 premier league games under Guardiola wen dem don dey lead at halftime – dem win 94 wey dey draw seven.

Guardiola tok afta di game say "I no dey good enof. Na me be di boss. I gatz to find answers, but so far I no find solutions. Dis na reality."

"I neva get anytin to say. I get no defence. Manchester United don push well well. For two seasons, we neva lose 8 games. We no fit defend dat kind record," Pep tok Match of di Day.

Guardiola suggest say im team gatz recover but dem for wait until di summer as di red flags don dey show for weeks as di team don fall.

E explain say "City gat to survive" dis season sake of di dream for dia fifth successive premier league title dey slim wit 9 points behind leaders Liverpool.

Dia champions league dream also dey shake afta dem lose vs Juventus for Turin.

Di Manchester City team don grow old togeda. Dia hunger for success don vanish wey dia opponents now fit dey challenge dem until di final whistle like wetin Manchester United do for di Etihad.

Di way United fit snatch di victory bin vex Guardiola, but di Spanish manager no fit use injuries as excuse – like Rodri, John Stones and odas.

City gat to rebuild but e no go be easy.

Wetin dey in front of Guardiola na ogbonge job, sake of every defeat don dey show di work wia Pep gat to do wit dis team.

Pep go get di moni to buy players but di oda City rivals also bin dey buy players for dia squad.

Kevin De Bruyne wey go chop 34 years in June, play 68 minutes for di derby game.

Im dey grow wey di Belgian bin dey get plenti injuries – e dey difficult to see say im go dey City next season.

Players bin dey expose defender Kyle Walker wey also be 34 years.

Ilkay Gundogan, anoda 34-year-old and pesin wey be ogbonge player for City in di past, now bin dey grow wey im neva get di legs and energy anymore since im return to di team from Barcelona.

Oda players wey don dey perform for di last seasons, now bin dey struggle.

Phil Foden wey score 27 goals wit 12 assists wia im win Premier League Player of di season last year, now get only three goals wit two assists in 18 appearances for all competitions.

For 11 premier league games, Foden score only one wit one assist.

Jack Grealish, wey enta di game afta 77 minutes against United, also neva score goal in one year – im score im last goal on 16 December in dia 2-2 draw wit Crystal Palace.

Manchester City striker Erling Haalaand also bin dey struggle since city dey lack creativity.

Di Norwegian striker get only 3 goals in di last 11 premier league games.

Anoda reason wey show say City dey fall for hand, na dia reliance on only Haalaand, di next highest scorer for di team na defender Josko Gvardiol, wia score im fourth premier league goal vs United.

Goalkeeper Ederson, wey already sit for bench dis season no try for di United winning goal.

Guardiola don sign new 2-year contract wey im tok say he "want am" but di wayCity dey lose games don dey worry.

Di Spanish coach sabi say di job hard, na so im put face for hand afta Manchester United defeat di blues for Etihad.

City and Guardiola now dey new place wia dia fans no fit forgive dem.