Black out in Abuja and Lagos areas as national grid collapse
Wia dis foto come from, PIUS UTOMI EKPEI / AFP via Getty Images
Nigerians experience blackout on Wednesday as di national grid collapse.
Di national power grid collapse dis morning around 11:00 am, power distribution companies tok.
Eko Electricity Distribution Company and Abuja Electricity Distribution Company confam on dia official handles say customers experience total power disconnection dis morning.
AEDC tok say di blackout wey affect some areas in Abuja hapun around 11:34am today.
Di distribution company tok say dem go restore di power as soon as possible.
"Please know say di power outage currently being experienced na due to loss of supply from di national grid at 11:23 am today, affecting electricity supply across our franchise areas," di statement tok.
"Rest assured, say we dey work closely wit di relevant stakeholders to ensure say di dem restore power once di grid don stabilise."
While, EKEC tok say dem neva know wetin cause di blackout but dem dey make effort to restore di power
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post, 1
States wey dey affected by di blackout
Residents of Lagos, Abuja, Port Harcourt, Kano, Enugu, Ogun, Oyo and oda major cities dey affected by di widespread power outage wey happun dis morning.
Alongside Abuja and Lagos DisCos, Ibadan Electricity Distribution Company also don publicly notify dia consumers say e go affect residents wey dey live for Ogun Ibadan, Oyo and e go affect some areas for Kwara and Osun states.
Port Harcourt DisCo also tell dia customers say e go affect residents wey dey live for Rivers, Bayelsa, Akwa Ibom and Cross River.
Di distribution company tok say dem dey work closely wit dia partner to restore di power.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post, 2
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post, 3
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post, 4
'National grid collapse' - No be today
While we no fit tok weda dis na di first time in 2025 wey di grid go collapse, for February 2025, wen Nigerians experience blackout, Transmission Company of Nigeria tok say di nationwide blackouts wey hapun for some areas no be power grid collapse cause am.
TCN management tok say na transmission line trip between Omotosho-Ikeja West 330kV and Benin-Egbin 330kV cause di power outage wey happun for areas like Abuja, Osogbo and Lagos.
"Di Transmission Company of Nigeria hereby note say di report making round about di occurrence of two National Grid Collapses within di year 2025 dey mischievous and misleading to di Nigerian populace," di statement tok.
"TCN Management go like to reiterate say no system collapse dis year and on di 12th of February 2025, wen di Omotosho-Ikeja West 330kV transmission line trip, di Benin-Egbin 330kV line dey on schedule outage for mechanical line tracing. Di tripping result in outage, causing loss of supply within Abuja, Lagos, and Osogbo axis."
Meanwhile, AEDC and Ikeja Electrics bin report say na national grid cause di power outage wey hapun on 12th February, 2025 and dem dey work to restore di power.
No be new tin for di national grid to collapse, making many Nigerians to rely on generators and solar powered systems. For 2024, BBC report say di grid collapse 10 times causing businesses to suffer lost.
Wetin cause dis blackout?
Nigerian Independent System operators (NISO) don tok say na one of di GenCos wey dia power line trip na im cause di system load to drop wey come dey affect oda GenCos.
NISO tok say dem don dey slowly restore power supply in di affected areas and dem go conduct investigations to determine wetin dey cause am and how dem fit stop am.
"Di Nigerian Independent System Operator (NISO) inform di general public say di national grid experience system disturbance at 11:20 hrs on 10/09/2025," di statement tok.
"Na tripping from one GenCo cause di disturbance, resulting in high load drop, which cascaded to oda GenCos, leading to system disturbance."
"NISO immediately start restoration of di grid at 11:45 hrs, beginning wit supply to Abuja from di Shiroro power plant, and we don achieve some restoration across di country.
"Full investigation into di immediate and remote causes dey underway. Di outcome of di investigation report go determine di proactive actions wey go carry out to stop future occurrences."
Meanwhile, TCN neva react to di development as of di time of filling dis report.
