Ghana youths dey hit de streets of Accra today to protest economic hardships
Wia dis foto come from, Favour Nunoo/BBC
Youth group wey call themselves Arise Ghana to hit de streets of Accra today to protest against fuel price hikes den economic hardships in de country.
Dis be after Accra High Court grant de demonstrators permission to embark on one-day demonstration instead of dia planned two-day demo.
Ghana Police on Monday petition de court to stop de Arise Ghana demonstration from traveling into de night for security reasons.
De Accra High Court order demonstrators to embark on de protest from de morning of Tuesday to around 4pm same day.
But demonstrators say dem go go ahead with dia original plan two round off dia protest around 10pm on Tuesday evening.
Police take Arise Ghana go court
Ghana Police Service on Monday go court to stop two-day demonstration wey pressure group Arise Ghana wan do to protest economic hardships for Ghana.
According to de Police Service, de reason for going to court to stop de demonstrations be sake of security reasons.
Inside statement wey dem release, dem explain say de decision of de demonstrators to start around 3pm on Tuesday, end 10pm and continue de next day no be de best.
End of Di one wey oda users dey read well well
“In de interest of public safety we dey advise de Organisers to start de demonstrations early in de morning den end before night go catch” de police statement read.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
Why Arise Ghana dey protest?
Wia dis foto come from, Favour Nunoo/BBC
De pressure group, Arise Ghana say dem dey protest against “persistent and astronomical fuel price hikes” in de country.
According to de group, dis demonstration go register dia frustrations about de “economic hardships on Ghanaians.”
Dem also dey protest against de introduction of E-levy on Ghanaians which dey stress de already impoverished.
Also, de declassification of de Achimota Forest reserve by govment dey on dia agenda.
De group de accuse de police service of needless brutality on civilians and state sponsored killing of innocent Ghanaians.
Dem dey call for de cancellation of de Agyapa deals, investigation into COVID-19 expenditure den other tins.
De group be combination of spare parts traders, okada riders, drivers den traders den young politicians.
