Arsenal take penalties beat Man City to win Community Shield

Arsenal on Sunday defeat Pep Guardiola side on penalties to win di Community Shield.

After a largely forgettable 70 minutes for di season curtain-raiser, Cole Palmer look like say e don win am for City wen di substitute curl home a stunning strike.

But Leandro Trossard equalise for di 101st minute wen im shoot deflect into di back of di net.

Dat take di game to spot-kicks, wia substitute Kevin de Bruyne strike di crossbar before Rodri see im effort saved and den Fabio Vieira convert to secure di silverware for Arsenal.

Penalty shootout

GOAL - Arsenal 4-1 Man City - Fabio Vieira

MISSED PENALTY - Arsenal 3-1 Man City - Rodri

GOAL - Arsenal 3-1 Man City - Bukayo Saka

GOAL - Arsenal 2-1 Man City - Bernardo Silva

GOAL - Arsenal 2-0 Man City - Leandro Trossard

MISSED PENALTY - Arsenal 1-0 Man City - Kevin de Bruyne

GOAL - Arsenal 1-0 Man City - Martin Odegaard

Second-Half

FULL-TIME

Arsenal 1-1 Man City

Di full-time whistle don blow and we dey go to penanlties, thanks to Leandro Trossard's late, late goal.

GOAL - Arsenal 1-1 Man City

We're dey enta penalties, surely.

90+8 mins Kyle Walker and Thomas Partey don return, all bandaged up.

90+7 mins Play don start again. Dat break last about five minutes.

90+5 mins Dem go need add extra time for dis delay while Kyle Walker and Thomas Partey get treatment.

90+2 mins Kieran Tierney swing in a cross wey come to di unmarked Fabio Vieira for di corner of di box but Kyle Walker head im cross away, come jam heads with Thomas Partey.

INJURY TIME

Di new injury time guidance mean say we get eight minutes added on. Boost for Arsenal.

90 mins Into di final minute now, Arsenal wan make ref sama yellow card for a Rodri foul but e no come.

82 mins Brilliant save from Aaron Ramsdale to deny Phil Foden and stop City wrapping dis up.

Julian Alvarez take advantage of some questionable defending to burst towards di box. E pass am to Foden, wey slot di ball through Ramsdale legs but e hit im thigh and go wide.

77 mins GAOL!!!

Kevin de Bruyne head di ball onto City youngster Cole Palmer, wey take a couple of touches and find imsef near di corner of di box. E bend a beautiful shot into di top corner, leaving Aaron Ramsdale with no chance.

74 mins Jurrien Timber block anoda good gaol, dis time to stop Kyle Walker cross.

Another City corner.

70 mins A fairly rare chance for City. Phil Foden find fellow sub Cole Palmer and Jurrien Timber take im wide knee deflect im shot.

66 mins A bit of gbasgbos between Stefan Ortega and Gabriel - and di Arsenal defender chop yellow card. E bin dey stand in Ortega way wen e bin dry trying take a goal-kick

66 mins Arsenal Gabriel Martinelli put one corner straight into di side-netting.

59 mins Free-kick to Arsenal as Ruben Dias stand ontop Thomas Partey foot?

?. Crossing range.

52 mins City get dia first shot on target. John Stones get free from a corner and power in one header straight at England team-mate Aaron Ramsdale.

51 mins Declan Rice do well to comot di ball from John Stones, wey make a good run down di right, but den plays a poor pass.

49 mins Jack Grealish lift in one cross wey dey half-headed away but no go land to Erling Haaland.

KICK-OFF

46 mins Di second half start with no changes. Not sure why Ederson kack up.

First Half

HALF-TIME

Arsenal 0-0 Man City

Level for di break. Arsenal forward Kai Havertz get di best two chances, both no gree enta.

45+3 mins Ogbonge bursting run from City debutant Mateo Kovacic from deep but William Saliba let di ball run out. Beta defending.

45+2 mins Arsenal dey boost dia possession stats during dis period of injury time with most of di ball.

41 mins Second shot on target today, di second one for Kai Havertz. E again shoot following a cut-back from di right and Stefan Ortega dey am again.

39 mins Arsenal forward Kai Havertz do well to close down Ruben Dias' clearance but di ball lands back to di City man.

36 mins Arsenal don dey ginger. Bukayo Saka cut in past Manuel Akanji and den blasts a shot across goal.

35 mins Gabriel Martinelli beat Kyle Walker down di left and John Stones hack im cross, Decent spell for Arsenal.

33 mins Arsenal get one corner. Bukayo Saka play but City get am out.

32 mins Di referee stop play for one minor foul and Julian Alvarez just nudge di ball away. Di City forward chop yellow card.

30 mins NaCity dey run thing so far but dat Kai Havertz shot on target na di best chance of di game by some way.

Arsenal keeper Aaron Ramsdale has taken the ball close to his goalline a couple of times. A risky game.

26 mins Wawu! Kai Havertz no gree score, but e chop one yellow card for kicking di ankle of John Stones wey bin dey run past am.

26 mins Chai! Kai Havertz almost score im firs goal for Arsenal.

Ben White burst into di box and find Havertz, wey spin and shoot. Stefan Ortega save am wit im feet and John Stones take chest block Gabriel Martinelli rebound shot.

25 mins Erling Haaland don foul against Thomas Partey now. Certainly we don see more fouls dan chances for dis match.

22 mins Like clockwork Erling Haaland don stick up a high boot and take a long ball out of di sky. But e no fit beat im man wit im next touch.

Dat na two yellow cards for a bit of cheek basically and none for fouls. New guidance on show.

18 mins YELLOW CARD

City midfielder Rodri foul Kai Havertz and Arsenal insist say dem gatz book am.

Arsenal boss Mikel Arteta waves an imaginary yellow card... and the referee comes over to book him instead.

No card for Rodri.

16 mins Just di 84.2% possession for City. Arsenal don complete 21 passes.

15 mins William Saliba clear from Jack Grealish corner.

10 mins: Bukayo Saka try to get away from Manuel Akanji but di City defender follow am bumper-to-bumper and end up winning a goal-kick.

9 mins: YELLOW CARD

Arsenal midfielder Thomas Partey foul Julian Alvarez and kick di ball away and Stuart Attwell show am yellow card.

6 mins: First attack of di game as Manuel Akanji puts in one cross and Julian Alvarez flicks im header across goal.

5 mins: Very slow tempo so far. Arsenal no dey do any closing down as Stefan Ortega stand wit di ball 15 yards outside im box.

2 mins: Gabriel bundle over Julian Alvarez and City get a free-kick for midfield. Na Alvarez and Erling Haaland today.

KICK-OFF

1 Min: Match don start

Team News

Sumer signings Declan Rice, Jurrien Timber and Kai Havertz make dia Arsenal debuts against Manchester City.

Havertz start for attack alongside Bukayo Saka and Gabriel Martinelli, with striker Gabriel Jesus wey go miss di start of di season through injury.

Arsenal XI: Ramsdale, White, Saliba, Gabriel, Timber, Partey, Rice, Odegaard, Saka, Martinelli, Havertz.

Subs: Turner, Tierney, Tomiyasu, Kiwior, Holding, Vieira, Trossard, Smith Rowe, Nketiah.

Midfielder Mateo Kovacic go make im Manchester City debut following im arrival from Chelsea but di game dey come too soon for fellow new signing Josko Gvardiol after di defender complete im move yesterday.

Kevin de Bruyne, a fitness doubt before di game, go dey on di bench while Nathan Ake go miss out after picking up an injury during di friendly against Bayern Munich.

Golden Boot winner Erling Haaland go lead di line for City.

Manchester City XI: Ortega, Walker, Dias, Stones, Akanji, Kovacic, Rodrigo, Silva, Grealish, Alvarez, Haaland.

Subs: Ederson, Lewis, Gomez, Laporte, Phillips, McAtee, De Bruyne, Foden, Palmer.