Ronaldo become co-owner of Spanish side Almeria

Cristiano Ronaldo don become co-owner of Spanish second division side Almeria after e acquire 25% share for di club.

Di 41-year-old Al-Nassr forward buy stake for Almeria, wey na one Saudi Arabian investment consortium led by Mohammed Al-Khereiji get am. E acquire am through im recently formed CR7 Sports Investments company.

While di financial details never clear, Ronaldo tok for statement say e dey look forward to working with di leadership team "to support di next phase of di club growth".

Di Portugal international add say: "Na a long time ambition of mine to contribute to football, beyond di pitch.

"UD Almeria na Spanish club with strong foundations and clear potential for growth."

President Al-Khereiji say: "[Ronaldo] dey regarded as di greatest to ever play di game, e know di Spanish leagues very well and e understand di potential of wetin we dey build here both in terms of di team and di academy."

Last year, Al-Khereiji's SMC Group acquire Almeria from Turki Al-Sheikh, wey be chairman of di General Entertainment Authority (GEA), one Saudi govment department.

Ronaldo spend nine successful years for Spain playing for Real Madrid, winning La Liga two times and lifting di Champions League four times before joining Italian side Juventus for 2018.

E don dey play for Al-Nassr for di Saudi Pro League since 2022 and na di best-paid player in football history with an annual salary of £177m.

Almeria wey dey founded in 1989 be third in Segunda, two points off leaders Real Racing with 15 games to go.