Rumuekpe explosion for illegal refinery near Port Harcourt leave dozens dead
Wia dis foto come from, Getty Images
At least 25 people don roast to death for illegal refinery explosion wey happun for weekend.
Local tori pipo and area pipo say children dey among di pipo wey die.
Illegal refining dey common for di oil-rich Niger-Delta region of Nigeria as poor area pipo dey tap pipelines to make fuel to sell make moni.
Eye witnesses say fire burst afta one crude oil pipe explode for one illegal oil refinery for Rumuekpe community.
Di place dey Emohua Local Government Area of Rivers State, south south Nigeria.
Wia dis foto come from, Other
Di blast wey happun for di illegal oil refinery destroy some plantation wey include palm trees plus some farms wey dey around.
Some pipo die wen di explosion happun but e neva clear if oda pipo wunjure and how many dem bi.
Some youths for many communities for Niger Delta, dey do illegal petroleum refining activities.
End of Di one wey oda users dey read well well
Wia dis foto come from, Getty Images
Sometime di so-call refining of oil na just to boil crude oil for drum to remove di fuel.
As of 2020, Nigeria na di biggest oil producer for Africa.
Officials say di kontri dey lose about 200,000 barrels per day (bpd) of oil.
And dat na more than 10% of wetin e dey produce sake of tapping or vandalizing pipelines.
Dis tori don dey updated
