Lisa Montgomery story: First woman wey America wan execute in over 70 years, her tori and crime

America go execute di first female federal inmate in nearly 70 years on Tuesday Just days before President Trump leave office.

Lisa Montgomery dey guilty for di murder of one 23-year-old woman wey dey eight months pregnant for December 2004

Her lawyers and anti-death penalty advocates dey argue say she be mentally ill victim of abuse wey deserves mercy for di crime she commit but her victim community say otherwise.

Lisa Montgomery Background

According to Lisa Montgomery half sister Diane Mattingly, Lisa grow up for bad household where her mama, Judy Shaughnessy and her boyfriend physical, psychological and sexual abuse Lisa.

Her lawyer say Lisa palava start wen di mama get her belle. di mama dey drink heavily throughout her pregnancy, and born Lisa with foetal alcohol syndrome. Multiple medical experts don give statements wey agree with dis diagnosis.

Apart from di heavy beating from di mama, Lisa experience sexual abuse from di mama new husband (her step fada)

According to interviews with Lisa half-siblings and odas di stepfather build one shed for one trailer where im, and e friends, rape and beat Lisa. Her mother also begin traffic Lisa, allowing handymen like electricians and plumbers to sexually abuse Lisa in exchange for work inside di house.

When she small, Lisa confide in one of her cousin, and tell am say di men go tie her up, beat her and even urinate on her afterwards.

Wetin be Lisa Montgomery crime

One US appeals court bin lift stay of execution order on di only woman wey dey await federal death penalty for di kontri.

For 2004, Lisa Montgomery wey be 36 years old then strangle one 23- years old pregnant woman, Bobbie Jo Stinnett for Missouri before cutting di baby out of her womb and kidnap di pikin. Stinnett later bleed to death.

If dem go ahead wit her execution, Lisa go be di first female federal inmate wey dem go kill in almost 70 years.

Montgomery execution for don happun last month but dem put am o hold sake of say her lawyers catch covid-19.

Na im make dem reschedule her execution for January 12 by di Justice Department. But, her lawyers dey argue say di court no suppose state di date because a stay still dey ground.

One court gree wit her lawyers, and stop an order from di director of Bureau of Prisons wey schedule her death.

But on Friday, a panel of judges conclude say di director act undr di law, come gree say make her execution happun.

Montgomery legal pipo don tok say dem go file petition for for di judges to reconsider dia judgement.

Bonnie Heady be di last woman wey dey US goment go kill. Her execution happun inside gas chamber for Missouri in 1953, according to di Death Penalty Information Center.

Federal executions don dey on pause for 17 years before President Donald Trump order make dem begin am again last year.

If dem carry out di remaining executions, Mr Trump go be di first US president to overseen di most executions in more dan a century for di kontri.

Montgomery execution date be days before President-elect Joe Biden go enta office.

Mr Biden, wey for decades dey in support of death penalty wen e be senator for Delaware don tok say e go try end federal executions once e enta office.