Chima Ikwunado: Four Ex-policemen accused for Chima Ikwunado murder don plead not guilty

Di ex-policemen Ayogu Fidelis, Eke Chibuzor, Egbunefu Felix and Rose Georgewill plead not guilty to di one count charge of torture and murder of Chima Ikwunado within di period of 19 to 23 December 2019 wen dem bin dey for di Eagle Crack unit of the Mile One Police Station for Port Harcourt.

Dem also plead not guilty to di five count charges of intent to maim, conspiracy to unlawfully cause bodily harm to Ifeanyi Onyekwere, Osaze Friday, Ogbonna Victor and Ifeanyi Osuji wen dem bin dey di office of Eagle Crack unit of Mile One Police Station for 19 to 23 December, 2019.

As di trial wan start, di lawyers to di four ex-policemen raise objection say di all di documents wey di prosecution wan use, no dey among di processes wey di prosecution file give dem so dem no go fit proceed wit di trial as e no go give di defence beta opportunity to do dia work.

Di documents include di medical report, autopsy report, photographs of di Late Chima Ikwunado both wen im dey alive and wen im don die and di photographs of di four victims wey show dia injury.

In response, di trial judge, Justice Florence Fiberesima, rule make di State prosecution give all di documents wey dey relevant to di case to di lawyers of defendants.Di accused pesins dey remanded for di custody of Special Anti-Robbery Squad SARS as di state Correctional Centre no dey take inmates sake of di Covid-19 pandemic.

Court adjourn di case to 20 October.

Di State Prosecutor, Chidi Ekeh explain say dem no bring charge against di Commander of di Eagle Crack, Adetuyi Benson and di Investigative Police Officer Inspector Sam Amadi because di Police investigation exonerate no see any case for dem to answer for di matter.

Di four ex-policemen wey dey on trial for di murder of late Chima Ikwunado, di Ikoku mechanic, don plead not guilty to di 6 count charges against dem as di trial begin on Thursday for Rivers State High Court for Port Harcourt.