د اور لګېدو د لامل معلومولو لپاره پلټنې پيل شوې دي.
د تايوان چارواکي وايي يوا اور لګېدنه کې ۱۲کسان وژل شوي او ۷۲ نور ټپيان شوي دي.
دغه اورګېدنه د تايوان جنوبي ښار تاينان کې د زړو لپاره يو رغتون کې شوې ده.
اور د سهار په لومړيو وختونو د روغتون په دغه ۴ پوړيزه ودانۍ لګېدلی، چې تر ډېره په کې پر بسترو پرتو ناروغانو ته پاملرنه کېږي.
د اورلګېدنې لامل لا تر اوسه پلټنې لاندې دی، او خو باور دی چې دا به پر دغه ټاپو تر ټولو خطرناکه پېښه وي.
اور د نرسانو د اوسېدو له خونې د زړو کسانو د اوسېدو ځای ته رسېدلی چې تر ډېره په کې د تاینان ښار عمر خوړلي کسان ویدېدل.
د روغتون چارواکي او ډاکټران وايي، زیاتره کسان د لوګیو له لاسه وژل شوي.
ټپیان او ژوبل وي کسان په نورو روغتونونو کې تر درملنې لاندې دي.
د دغه اور لګېدنې –چې دویم پوړ ته هم ختلی دی- لامل تر اوسه لا نه دی څرګند شوی.
د اور وژونکې ادارې چارواکو ویلي، داسې ښکاري چې لومړۍ لمبې د زېرمتون له وره څخه راوتلې وي.
د نرسانو د اوسېدو په وینګ کې تر ۱۰۰ ډېر ناروغان بستر و، چې زیاترو ته یې مصنوعي تنفسي آلې تړل شوې وې او له خپلو چپرکټونو د لېږېدېدو نه وو.
اور وژونکي تر اور لګېدو ۱۰ دقیقې وروسته سیمې ته رسېدلي، خو د ناروغاتو د شمېر د ډېرښت له کبله یې په سمه توګه ناروغان په چټکه توګه اړوندو ځایونو ته ونه شوای لېږدولی.
د ټایوان له ټایپي ښاره دبي بي سي خبریاله سیندي سوی وايي ځینې ناروغانو خپل مرګ پخپلو سترګو لیده.
خبریالان وايي، د اور دغه پېښه په ټایوان کې د تېرو څو کالو پرمهال یوه له مرګونو پېښو ده.
