د هند پلازمېنې هوا له دیوالي مراسمو وروسته زهرجنه شوې
د عکس سرچینه، ANI
د هند پلازمېنه ډیلي کې د رنګونو او رڼا اختر دیوالي پر دویمه ورځ د پلازمېنې اسمان خړ پړ ښکاري او د هوا کچه تر خطرناک بریده ککړه شوې ده.
د حکومت له بندیز سره سره د دې ښار ډېرو برخو کې تېره شپه خلکو د دیوالي مراسمو لمانځلو په موخه اورلوبې کړې.
ډیلی د صنعتي او موټرو لوګو، دوړو او ناوړه موسم له کبله وار له مخه د نړۍ هغو پلازمېنو په لومړي سر کې دی، چې هوايي یې ډېره ککړه ده.
په مني کې چې د ډیلي شاوخوا سیمو کروندګر د خپلو کروندو کې پلالې ته اورونه ورته کړي، د دې ښار هوا نوره ورسره زهرجنه شي.
د عکس سرچینه، Getty Images
په دې موسم کې ډیلي کې بادونه سوکه چلېږي چې له کبله یې د دیوالي په مناسبت د کاروول شویو اورلوبو زهرجن لوګي د ډیلي ښاریانو لپاره د ساه اخیستل لا ستونځمن کړي.
د خواله رسنیو ګڼ شمېر کاروونکو د دیوالي په مناسبت له بندیز سره سره د اور لوبو شکایتونه کړي.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 1
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 2
د هوا ککړتیا حکومتي څارونکي وايي، د ډیلي ځینو سیمو په هوا کې د جمعې پر ورځ د ککړتیا ذراتو شمېر د یوه کیوبک میټر لپاره ۹۹۹ ریکارډ شوی دی.
په ځینې نورو سیمو کې بیا د یوه کیوبک میټر لپاره دا شمېر د پنځه سوه شاوخوا یا له دې هم زیات اټکل شوی، چې ''خطرناک '' بلل کېږي.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 3
د هوا معیار معلومولو شاخص له مخې د صفر او پنځوس تر منځ دغه ډول کچه ''ښه '' بلل کېږي، له ۵۱ تر سلو پورې بیا د ''قناعت وړ '' کچه بلل کېږي.
هند حکومت سږ کال د هوا ککړتیا مخنیوي لپاره د دیوالي مراسمو پر مهال د اورلوبو په کاروولو بندیز لګولی وو، خو تېره شپه داسې معلومېده چې ډیلي ښاریانو دې بندیز ته ډېره توجه و نه کړه.
