چین کې داسې هوايي ډګر چې په ۱۱ میلیارد ډالرو جوړ شو

چین د خپلې ۷۰ کلیزې له لمانځلو څو ورځې مخکې د خپل خورا لویي ستر هوايي ډګر ورونه پرانیستل، چې په یوولس میلیارد ډالرو یې جوړ کړی دی.

ډاکسینګ نړیوال هوايي ډګر په پلازمېنه بېجینګ کې جوړ شوی او د چارشنبې په ورځ د دغه هېواد ولسمشر شي جنپینګ پرانیست.

* د امریکا او چین سوداګریزه جګړه

* په چین کې د مېړه لټولو لپاره اضافي رخصتي

د چین دولتي ورځپاڼې وايي، دا هوايي ډګر اوه لکه متر مربع پراخ دی چې د فوټبال ۹۸ لوبغالو سره برابرېږي.

د هوايي ډګر د شورا په خبره، بېجینګ هواي ډګر له اتلنتا وروسته د نړۍ دویم ډېر بوخت هوايي ډګر دی.

چارواکي وايي، نوی هوايي ډګر د دې لپاره جوړ شو چې د بېجینګ پلازمېنې نړیوال هوايي ډګر باندې بوج کم شي.

ویل کېږي داکسینګ هوايي ډګر به په یوه ودانۍ کې د نړۍ تر ټولو لوی ترمینل وي او تمه ده چې تر ۲۰۲۵ کال به تر ۱۷۰ میلیون مساپر ومني.

د چین حکومتي اژانس ګلوبل ټایمز وايي، اټکل و چې د چارشنبې په ورځ اوه کورنۍ هوايي کرښې له دې هوايي ډګر خپلې الوتنې پیل کړي.

* کراچۍ کې تر ټولو لوی لوبغالی

* چیچنیا: د اروپا تر ټولو ستر جومات پرانیستل کېږي

لومړۍ الوتنه هم ځايي وخت د مازیګر څلور بجې او ۲۳ دقیقې وه.

په نړیوالو هوايي کرښو کې د برتانیا ایروېز، کتي پیسپیک او فاینیر هم دې هوايي ډګر ته خپلې کرښې ور سمې کړې دي

نوی هواي ډګر چې له تایننمن چوک سوېل ته په ۴۶ کلیومترۍ کې پروت دی او ودانګر یا انجینر زها حدید ډیزاین کړی دی.

د دې هوايي ډګر پرانیستې سره بېجینګ د نیویارک او لندن په څېر د هغو ښارونو ډله کې راغی چې دوه خورا لوی نړیوال هوايي ډګرونه لري.

بېجنګ پلازمېنه هوايي ډګر- چې پر ۱۹۵۸ کال پرانیستل شوی- له سل میلیونو ډېر مساپر یې کاروي.