تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
ملګري ملتونه وايي، افغانستان کې هدفي وژنې ډېرې شوې
ملګري ملتونه وايي، په افغانستان کې هدفي وژنې د تېر یعنې ۲۰۱۷ میلادي کال پرتله، ۳۵ سلنه زیاتې شوې دي. دا خبره په داسې وخت کې کېږي چې، د افغان هوايي ځواک دوه پیلوټان، همدا پرون نا معلومو وسله والو، په کابل ښار کې دننه، په نښه کړي او وژلي دي.
د افغانستان په ټولو برخو کې ځانمرګي بریدونو، چاودنو او اوس دغه ډول پېښو ډېری افغانان اړ کړي چې د خپل او کورنۍ د امنیت او خوندي پاتې کېدو په اړه جدي پوښتنې راپورته کړي. نجما ځلا په کابل کې د داسې یوې کورنۍ حال راکوي چې تازه یې یو غړی په هدفي وژنو کې وژل شوی.
