سعودي عربستان کې ښځو ته د موټر چلولو اجازه ورکړل شوه
د سعودي عربستان دولتي خبري اژانس رپوټ کې ویل شوي، د دغه هېواد پاچا سلمان بن عبدالعزیز ښځو ته د موټروانۍ لایسنس ورکولو امر کړی دی.
سعودي عربستان له دې مخکې د نړۍ یوازينی هېواد و، چې ښځو ته پکې د موټر چلولو رسمي اجازه نه ورکول کېده.
د ایس پي اې رپوټ کې ویل شوي، چې د وزیرانو په کچه به یو پلاوی ټاکل کېږي، چې دې لړ کې به مشورې ورکوي او د ۲۰۱۸ کال په جون کې به دغه حکم عملي کېږي:
''د شاهي حکم له مخې به ښځو او نارینه وو ته په یو ډول د لایسنس ورکولو په ګډون ترافیکي قوانین ترتیب او تنظیم شي. ''
د عکس سرچینه، Reuters
د امریکا متحدو ایالتونو بهرنیو چارو وزارت د دغه اقدام هرکلی کړی دی او دا یې 'پر سم لوري ستر ګام ' بللی دی.
د سعودي پاچا په فرمان کې ویل شوي دي، چې دغه حکم به 'له شرعي قوانینو سره سم ' عمل کېږي.
د ایس پي اې رپوټ کې ویل شوي، چې د علماوو شورا ډېرو لوړپوړو غړو دغه طرح تایید کړې ده.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
یو شمېر مدني فعالانو له ډېرو کلونو راهیسې کمپاین کاوه، چې باید دغه هېواد کې ښځې د موټر چلولو اجازه ولري.
یو شمېر سعودۍ ښځې له دې مخکې د موټر چلولو له کبله یا جریمه شوې او یا هم زندان ته لېږل شوې دي.
