د عکسونو البوم: د پاکستان مشهورو جوماتونو زړه راښکونکې منظرې

دې لپاره چې انټرنېټ مو لږ مصرف شي، یوازې متن ولولئ

۲۰ مرغومی ۱۳۹۵ - ۹ جنوري ۲۰۱۷

محمد اشعر له فیصل جومات پرته، د پاکستان بېلابېلو برخو کې د نویو او پخوانیو مشهورو جوماتونو انځورونه اخیستي دي.

باشاهي مسجد، لاهور — د عکس تشریح، لاهور کې د بادشاهي په نامه جومات د عمومي دروازې ښکلې یوه منظره

باشاهي مسجد، لاهور — د عکس تشریح، لاهور کې شاهي جومات د مغل پاچا اورنګزیب عالمګیر د واکمنۍ پرمهال په ۱۶۷۳ کال کې جوړ شوی چې په یوه وخت کې څلور زره کسان پکې لمونځ کولای شي.

سکھ چین جومات — د عکس تشریح، دا په ترکي معمارۍ جوړ جومات په (ماوي جومات) هم مشهور دی چې د ترکیې استانبول زرغون جومات په څېر جوړ شوی.

باشاهي مسجد، لاهور — د عکس تشریح، د بادشاهي جومات د اوداسه ځای (حوض) یوځل بیا ګټې اخیستنې ته چمتو شوی.

شاهي جومات، چنوټ — د عکس تشریح، چنیوټ کې د شاهي جومات د ننه منظره، چې لایې هم د بیارغونې چارې دوام لري.

شاهي مسجد، چنیوټ — د عکس تشریح، د شاه جهان د واکمنۍ پرمهال نواب سعدالله خان چنیوټ کې د شاهي جومات ډبره کېښوده، عمومي دروازه کې یې د مغلو د ودانیو معماري او هنر کارول شوی.

موتي جومات، لاهور — د عکس تشریح، لاهور کې د موتي په نامه جومات هم د شاه جهان د واکمنۍ پرمهال جوړ شوی چې سپین مرمر ډبرې پکې لګول شوې دي.

بحیرہ مسجد، لاهور — د عکس تشریح، د لاهور بحیره په نامه جومات کې پخوانۍ او معاصره معماري کارول شوې. د اوبو فوارې او ښکلې فضا د جومات منظره لا پسې ګلالۍ کړې ده.

مسجد چقچن — د عکس تشریح، چقچن جومات د پاکستان په لیرې بلتستان کې جوړ شوی. دا جومات په ۱۳۷۰ کال د ایراني مبلغ اسلام میر سید علي همداني په لاس جوړ شوی. د ځینو روایتونو له مخې، دا ودانۍ له جومات کېدو وړاندې د بودیانو عبادتځای و.

د چولستان جومات — د عکس تشریح، دا جومات له بهاولپور نه نژدې ۱۰۰ کیلومتره لیر د چولستان په ریګستان سیمه کې جوړ شوی. انځور ګهیځ مهال اخیستل شوی.

فیصل جومات — د عکس تشریح، فیصل جومات، د پاکستان پلازمېنه اسلام اباد کې د مارګلې غونډۍ له لمن کې جوړ شوی. د سعودي پخواني پاچا فیصل بن عبدالعزیز په ۱۹۶۶ کال پاکستان ته د یوه رسمي سفر په ترڅ کې د فیصل جومات د بنسټ ډبره کېښوده.

د امام بخاري ارامځی
د کندهار جومات
۲۷ تله ۱۳۹۵ - ۱۸ اکتوبر ۲۰۱۶