رپوټونو کې ویل شوي، چې وژل شوي ټول کارکوونکي د سوات د شانګلې اوسېدونکي وو، چې له حادثې وروسته یې جسدونه خپلې پلرنۍ سیمې ته ولېږل شول.
اورکزی ایجنیسۍ قبایلي سیمه کې د ډبرو سکرو په یوه کان کې د چاودنې له امله اووه کسه کارکوونکي وژل شوي دي.
ځايي چارواکي وايي
پېښه د کوز دیر په ډولۍ سیمه کې وشوه. چارواکو ویلي، چې د کان چت هغه وخت وغورځېد، چې په کې د ګاز ډېرېدو له امله چاودنه وشوه.
د دوی په وینا د چت غورځېدو له امله په کان کې په کار بوخت اووه کسه کارکوونکي تر خاورو لاندې شول.
د چارواکو په وینا د پېښې په اړه له معلوماتو وروسته سمدلاسه له هنګو څخه مرستندویه کارکوونکي د پېښې ځای ته وغوښتل شول.
د دوی په وینا مرستندویانو د دوشنبې تر سهاره خپل کار بشپړ کړ او ټول مړي یې له خاورو را وایستل.
"د پاکستان په کانونو کې د کارکوونکو د خوندیتوب په اړه د لازمو اقداماتو د نشتوالي شکایت کېږي او په تېر کې هم دغه هېواد کې د کان کېندونکو د وژل کېدو رپوټونه ورکړل شوي دي."
په رپوټونو کې ویل شوي، چې وژل شوي ټول کارکوونکي د سوات د شانګلې اوسېدونکي وو، چې له حادثې وروسته یې جسدونه خپلې پلرنۍ سیمې ته ولېږل شول.
ځايي اوسېدونکي وايي د پېښې په ځای کې د ډبرو د سکرو نژدې ۳۰۰ کانونه شته، چې په کې له دې مخکې هم ورته پېښې شوې دي او یو شمېر کسانو په کې خپل ژوند بایللی دی.
په ټول کې د پاکستان په کانونو کې د کارکوونکو د خوندیتوب په اړه د لازمو اقداماتو د نشتوالي شکایت کېږي او په تېر کې هم دغه هېواد کې د کان کېندونکو د وژل کېدو رپوټونه ورکړل شوي دي.
تېر کال د بلوچستان ایالت په سپین کاریز سیمه کې هم د ډبرو سکرو په یوه کان کې د ګاز ډېرېدو له امله چاودنه وشوه، چې ۴۳ کسان په کې ووژل شول.
