د افغانستان د کورنیو چارو وزارت چارواکي وايي، په ننګرهار ولایت کې یې د دوو عملیاتو په ترڅ کې کابو ۱۰ ټنه نشه يي توکي نیولي دي او د هیروین جوړولو اووه لابراتوارونه یې له منځه وړي دي.
د کورنیو چارو وزارت له نشه يي توکیو سره د مبارزې مرستیال بازمحمد احمدي په کابل کې یوې خبري غونډې ته وویل، دغه عملیات یې د ننګرهار په اچین او شېرزادو ولسوالیو کې تر سره کړي او په ترڅ کې یې دوه تنه شکمن هم نیولي دي.
