له سوریې رپوټونه وايي حکومتي جنګي الوتکو د دمشق په سویل کې د فلسطیني کډوالو پر کمپ بمباري کړې ده.
فعالان وايي دا لومړی ځل دی چې جنګي الوتکې پر دغه کمپ بمباري کوي که څه هم مخکې د درنو وسلو ډزې پرې شوې دي.
په دغې سیمې او د دمشق په سویلي نورو برخو کې د حکومتي ځواکونو او یاغیانو ترمنځ د سختې جګړو رپوټونه ورکړل شوي دي. په دغو سیمو کې په تېرو اوونیو کې هم سختې نښې وشوې.
په حلب کې هم یوې پوځي اکاډمۍ ته څېرمه د نښتو رپوټ ورکړل شوی دی.
