د ملګرو ملتونو د بشري حقونو عالي کمشنرۍ له چین نه غوښتنه کړې، چې د هغو تبتیانو غوښتنې ته ځواب ووايي چې په احتجاجي توګه په عام محضر کې ځانونه سوځوي.
کمشنره ناوي پیلي وايي د تبتیانو له خوا د ځان سوځولو پیښې ډیرې شوې دي.
د مېرمن پیلي ویاند روپېرت کولوېل په دې اړه وویل" لویې کمشنرې ته د تبتیانو پر ضد د روان تاوتریخوالي راپورونه رسېدلي چې د بنسټیزو بشري حقونو، بیان آزادۍ، ټولنو او مذهب لپاره مبارزه کوي. د دوی د بندي کېدو، ورکېدو او د سوله ایزو لاریون کوونکو پر ضد له زوره د کار اخیستو راپورونه هم ترلاسه شوي."
ویل کیږي چې تر دې دمه ۶۰ تبتیانو خپلو ځانونو ته اور ورته کړی دی.
