د فرانسې د کورنيو چارو وزير ويلي چمتو دی هر هغه څوک له هېواده وباسي چې د اسلام په نوم، امنيت ته ګواښ پېښوي.
مانويل والز دغه څرګندونې په سټراسبرګ ښار کې په فرانسه کې د تر ټولو لوی جومات د پرانیستې پر مهال وکړې.
ده وويل فرانسه به د هغو کسانو پر وړاندې سخت چلند خپل کړي چې د اسلام د منلو ادعا لري، خو د هېواد دوديزو ارزښتونو ته درناوی نه کوي.
ښاغلي والز وويل هغه کسان چې امنيت ګواښي، له هېواده به وايستل شي.
