رحمان الله له پېښوره

	صوفي محمد وويل، سوات دره د پاکستان يوه برخه ده خودلته به شرعي محکمې کار کوې چې له همدې امله به دا سيمه له نورو سيمو سره توپير ولري .

د پاکستان ولسمشر اصف علي زرداري وړمه ورځ د قامي اسمبلۍ په سپارښتنه د يوه مسوده لاسليک کړه چې ورسره په سوات کې شرعي نظام پلى شو.

د تحريک نفاذ شريعت محمدې امير مولانا صوفي محمد د ملکنډ په اماندره سيمه کې
يوې خبري غونډې ته وويل چې دغه ملکنډ به د پاکستان د حکومت او د هېواد د اساسي قانون تابع وي خو دلته به ټولې پرېکړې د شريعت پربنسټ کېږي .

د شريعت محمدي امير وويل په ملکنډ کې د دارالقضا له جوړېدو وروسته به دځايي محکمو د پرېکړو پر ضد څوک په ستره محکمه کې دعوا نه شي کولاى او ددغو محکمو پرېکړې به يواځې په دارالقضاکې ننګول کېږي .

مولانا صوفي محمد وويل په سوات کې وار له مخه موجود قاضيان به بدلوي او پر ځاى به يي داسې قاضيان په دندو ګوماري چې په شريعت زيات و پوهېږي .

نوموړي زېاته کړه سوات دره د پاکستان يوه برخه ده خودلته به شرعي محکمې کار کوې چې له همدې امله به دا سيمه له نورو سيمو سره توپير ولري .

مولانا صوفي محمد وویل له خپلو پلويانو سره ترسلا مشورې وروسته به یو وار بیا په سوات کې د امن کمپ بيا فعال کړي .

دغه راز نوموړي په طالبانوهم غږ وکړ چې په عامو ځايونو کې وسله و نه ګرځوي .