رحمان الله له پېښوره

	د مالوماتو له مخې مولانا صوفې محمد به په ېو ناڅرګند ځاى کې د سوات د طالبانو له قوماندان مولانا فضل الله سره وګوري.

ددغه لاريون مشري د تحر ېک نفا‌ذشرېعت ډلې مشر مولانا صوفې محمد کوله. د نوموړي قافله نن (چهارشنبې د فبروري١٨ مه) د سوات مټه سېمې ته ورسېدله.

نوموړى به د سوات د طالبانو له قوماندان مولانا فضل الله سره په سيمه کې د شرعي نظام د پلي کولو په اړه خبرې اترې وکړي.

مټه ته په رسېدو ځايي خلکو د تحرېک نفاذ شرېعت د امېر مولانا صوفې محمد د قافلې تود هرکلې وکړ.

د قافلې سلګونو ګډونوالو چې سپېن او تور بېروغونه يې نېولې وو په لاره او مټه ته په رسېدو سره د شر ېعت او د الجهاد الجهاد نارې وهلې.

د حکومت لخوا ناقانونه اعلان شوې نفا‌ذ شرېعت ډلې مشر صوفې محمد په مټه کې په يوه لنډه وېنا کې ووېل چې هغه په سوات کې د شرعې نظام د پلې کولو او د امن راوستو لپاره راغلى دى.

د مالوماتو له مخې مولانا صوفې محمد به په ېو ناڅرګند ځاى کې د سوات د طالبانو له قوماندان مولانا فضل الله سره وګوري او له هغه نه به وغواړي چې د حکومت پر ضد له وسلوالې مبارزې لاس واخلي.

مولانا صوفې محمد سوات ته له تلو وړاندې د صوبه سرحد له وزير انو بشير بلور او واجد علي خان سره هم وکتل او په سوات کې يې د امن د راوستو په لارو چارو خبرې وکړې.

عيني شاهدانو ويلي چې په سوات کې د سولې د تړون له اعلان وروسته د خلکو ژوند عادي حالت ته د گرځېدو په حال کې دى.