ډاکټرعبدالمالک تراوسه د ١٨٥ تنو مغزي جراحي کړي ده

ډاکټرعبدالمالک ٣٣ کاله وړاندې دخوست په سپيره ولسوالۍ کې نړى ته راغلى دى .
يوکال يې په کابل کې اونورې لومړنۍ، منځنۍ اولوړې زده کړې يې په پاکستان کې کړې دي.

وروسته يې دکابل پوهنتون دطب پوهنځى پاى ته رسولى دى. په ٢٠٠٤ کال کې يې دکراچۍ پوهنتون کې نورې زده کړې وکړې اودجناح په روغتون کې يې داعصابو په برخه کې عملي کاروکړ.

په ٢٠٠٥ کال کې کابل ته ولاړ اوپه دولتي روغتونونوکې يې دکارشرايط سخت وليدل نو دڅو تنوپه ملتيا يې يوشخصي روغتون جوړکړ. داروغتون بلوسوم نوميږي اودکابل په نوي ښارکې دى. ٨٠ تنه مسلکي اوغيرمسلکي کارکوونکي لري.

څه موده وړاندې يې داعصابو داسې عمليات وکړل چې په افغانستان کې يې سارى نه درلود. ډاکټر مالک جان دعصبي جراحى په برخه کې له وتلوډاکترانو له ډلې څخه دى.
ډاکټرعبدالمالک وايي له کورنۍ جگړې وروسته دې پرمختگ په افغانستان کې دا هيلې ډېرې کړي دي چې نور به دا ډول سخت ناروغان ددرملنې لپاره بهرنيو هېوادونوته نه ورځي.

دى په افغانستان کې لومړنى ډاکټر دى چې مغزي تومورونه يا غدې د جراحي عمل له لارې له منځه وړي .نوموړي تراوسه د ١٨٥ تنو مغزي جراحي کړي ده.

دا پروگرام ددې ځاى پر کېکاږلو سره اوريدلى شئ