له مشرف څخه په مکرر ډول غوښتل شوي چې له دندې استعفا ورکړي .

ښاغلي مشرف دغه څرگندونې خبريالانو ته وروسته له هغه کولې چې له ده نه په وار وار د استعفا ورکولو غوښتنه شوې وه .

نوموړي خبريالانو ته ويلي چې دى غواړي د پاکستان له اوسنۍ نوې ادارې سره خپل ملاتړ اعلان او دې لړۍ ته دوام ورکړي .

وروسته له هغه چې د تېرې فبرورۍ په مياشت کې د مشرف پلويان د ولسمشرۍ په ټاکنو کې پاتې راغلل، له ده څخه دا وغوښتل شول چې له خپلې دندې استعفا ورکړي .

که څه هم له ده سره د خلکو ملاتړ نشته، خو نوموړى په استعفا نه ورکولو ډېر ټينگار کوي .

نوموړي خبريالانو ته د يوې خبري غونډې په ترڅ ويلي چې : ' اوس زه خپلې استعفا ورکولو ته تيار نه يم ' .

د نوموړي دغه خبرې د پاکستان ټلويزيون هم خپرې کړې دي .

ښاغلي مشرف ويلي دى نه غواړي چې د پاکستان اوسنى حکومت دې د دې هېواد په اساسي قانون کې يو لړ بدلونونه راولي او له ده څخه دې ورکړل شوي واکونه بېرته واخلي .

ده ويلي : ' خپلې هڅې به روانې ساتم، دا امکان نه لري زه دې بې گټې سړى پاتې شم .'

د يادونې وړ ده چې ښاغلى مشر په ١٩٩٩ کال د يوې پوځي کودتا او له نواز شريف نه د واک اخيستلو په پايله کې واک ته ورسېد، خو تېر کال د پوځ د مشرۍ واک ترېنه واخيستل شو .