نعمت الله کرياب له اسداباده

	د کنړ ولايت ماڼوگي ولسوالۍ که څه هم تل د جنګ جګړو او وسله والو بريدونو شاهده وي خو داډول وژنو يې په ولس کې ډېرې اندېښنې راټوکولې دي .

افغان چارواکي ورته وژنې د وسله والو طالبانو کمزوري بولي او وايي چې بې دفاع خلک وژني .

د ماڼوکي ولسوالۍ په کوړنګل سيمه کې دواړه قصابان قصابه شوي . په چړو وهل شوي او سرونه يې غوڅ شوي دي .

که څه هم وسله وال طالبان دغه وژنه له خپله لوري نه بولي خو ځايي چارواکي او ځينې سيمه ييز وګړي وايي چې ورته وژنې د طالبانو کار دى .

دغو دواړو وژل شويو قصابانو په ماڼوگي ولسوالۍ کې مېشتو ناټو ځواکونو ته غوښه ورکوله اوخپل خپلوان يې وايي چې وړاندې هم وسله والو طالبانو په دې کار ګواښلي وو .

تر دې وړاندې ددې هېواد په يوه بل ولايت زابل کې يوځايي قصاب وسله والوطالبانو برمته کړ او غوښتنه يې دا وه چې پر افغان چارواکو دې غوښې نه پلوري .

د کنړ ولايت ماڼوگي ولسوالۍ که څه هم تل د جنګ جګړو او وسله والو بريدونو شاهده وي خو داډول وژنو يې په ولس کې ډېرې اندېښنې راټوکولې دي .

خلک وايي چې ځايي دکانداران پر هرچا د توکو د پلورلو حق لري او وسله وال طالبان بايد له سيمه ييزو وګړو داحق وانخلي .