ميرويس افغان له کندهاره

	نښته هغه مهال پيل شوې چې له اوړو بار څلور موټر د پاکستان له خاورې افغانستان ته ننوتل .

نښته د ډيورنډ پر پوله د کندهار په سپين بولدک ولسوالي کې داډې له کالۀ سره وشوه .

افغان امنيتي ساتونکو دپاکستاني سرحدي پوليسو هغه سرتېري په نښه کړل چې د افغانستان خاورې ته د اوړو په قاچاق کوونکو پسې را اوښتي وو.

يوپاکستانى سرحدي پوليس ووژل شو او درې نور ټپيان شول .

په ځوابي بريد کې هم يو افغان سرحدي پوليس ووژل شواو درې نور ټپيان شول .

د پاکستاني سرحدي پوليسو يو موټر هم د پولي دې غاړې ته پاتې شوى دى .

پاکستاني چارواکي د اوړو په قاچاق کوونکو پسي افغانستان ته دخپلو پوليسو ننوتل يوه تېروتنه بولي او وايي چې دوه ساتونکي يې ټپيان شوي دي .

په داسې حال کې چې په افغانستان کې د اوړو بيې لوړې شوې او قاچاق کوونکي هڅه کوي چې هېواد ته اوړه راوړي، هاخوا پاکستاني چارواکي کوښښ کوي چې افغانستان ته د اوړو د قاچاق مخنيوى وکړي .

که څه هم په سپين بولدک ولسوالۍ کې پاکستاني سرحدي ملېشو يو افغان پوليس وژلى خو د کندهار په ارغنداب، ژېړۍ او غورک ولسواليو کې وسله والو طالبانو ١٣ افغان پوليس وژلي او درې نور يې ټپيان کړي دي .