عبدالمالک عاصم له کابله

	ټاکل شوې د فرانسې د بهرنيوچارووزير برنارډ کوچنر به له افغان ولسمشرحامد کرزي او دبهرنيو چارو له افغان وزير رنگين دادفر سپنتا سره خبرې وکړي.

فرانسې اعلان کړى چې په سلگونو نوي سرتېري به افغانستان ته وليږي .

د فرانسې دبهرنيو چارو وزير په تاجکستان کې خبريالانو ته وويل چې په دې سره به يې په افغانستان کې د پوځيانو شمېر ٣٠٠٠ ته ورسيږي .

دا مهال څه باندې١٩٠٠ فرانسوي پو ځيان په افغانستان کې د ناټو په چو کاټ کې دندې ترسره کوي .

افغانستان ته د نويوفرانسوي سرتېرو د لېږلو پوره شمېره، نېټه او دځاى پر ځاى کېدو سيمه نه ده ښودل شوې، خو له تاجکستانه د ليدنې پر مهال د فرانسې د بهرنيو چارو وزير برنارد کوچنر وويل چې په نويو سرتېرو سره به په افغانستان کې دهغه هېواد د پوځيانو شمېر ٣٠٠٠ ته ورسيږي .

دا مهال په افغانستان کې څه باندې١٩٠٠ فرانسوي سر تېري د ناټو په چو کاټ کې دندې تر سره کوي چې ډېر يې دافغانستان په ختيځ کې مېشت دي .

اوس داسې ښکاري چې د نويو فرانسوي سر تېرو شمېر تر ٧٠٠ پو ځيانو زيات دى چې د هغه هېواد ولسمشر يې په بخارست کې د ناټو په کلنۍ ناسته کې افغانستان ته د لېږلو ژمنه کړې وه .

د نويو فرانسوي سر تېرو د استولو خبره له تاجکستانه د فرانسې د بهرنيو چارو د وزير د ليدنې کتنې پر مهال شوې .

فرانسې ويلي چې پو ځيان به يې له افغان ځواکونو سره اوږه په اوږه د وسله والواورپکو پر وړاندې جگړې کې برخه واخلي .

د يوه فرانسوي ديپلو مات له خولې خبر ورکړل شوى چې نن به د فرانسې او کا ناډا د بهرينو چارو وزيران له تاجکستانه کابل ته را ورسيږي .

برنارډ کوچنر او مکسيم برناير به له افغان ولسمشرحامد کرزي او دبهرنيو چارو له افغان وزير رنگين دادفر سپنتا سره خبرې وکړي .

په کابل کې د يوه روغتونه پر ليدنې او د يو شمېر غير حکومتي موسسو له غړو سره پرکتنې سر بېره به ددوى بل تم ځاى دافغانستان په سويل کې د کندهار ولايت وي .

له افغانستانه د فرانسې او کاناډا د بهرنيو چارو د وزيرانو دسفر موخه ددې هېواد د امنيت په اړه له نژدې له افغان چارواکو سره خبرې ښوول شوي .

ټاکل شوې چې کوچنر او برناير به په کابل او کندهار کې له يو شمېر سيمه ييزو خلکو او مشرانو سره هم د روانو حالاتو په اړه خبرې وکړي .

د فرانسې د بهرنيو چارو د وزير د سفر بله مهمه موخه پوره دوه مياشتې وروسته په پاريس کې دافغانستان سره د مرستې په اړه د يوه نړيوال کنفرانس د جوړېدا د تياريو په اړه له افغان چارواکو سره خبرې اترې په گوته شوي .

ټاکل شوې چې د پاريس په کنفرانس کې د جون په ١٢ نړيوال مرستندويه هېوادونه او ټولنې له افغانستان سره د ميلياردونو ډالرو د مرستې پر اعلان سر بېره دافغانستان په اړه د نړيوالې ټولنې پر ستراتېژۍ هم کتنه وشي .